(ABNA24.com) بە پێی راپۆرتی یونیوز ، چالاکانی بەریتانی رۆژی یەکشەممە بە سازدانی کۆبوونەوە لە لەندەن داکۆکی و پشتیوانیی خۆیان لە شێخ ئیراهیم زەکزاکی رابرەری بزووتەوەی ئیسلامیی نیجریا راگەیاند .
ئەم چالاکە سیاسیانە بە هەڵگرتنی لافیتە گەلێک خوازیاری ئازاد کرانی خێرای شێخ زەکزاکی لە لایەن کاربەدەستانی نیجیریا و چارەسەریی ئەو بوون چونکە زانیاریەکان باس لە رەوشی نالەباری تەندروستیی ناوبراو دەکەن .
هەواڵەکان دەڵێن رەوشی تەندروستیی شێخ زەکزاکی زۆر نالەبارە و لەبەر ئەو برینەی کە ساڵی 2015 لەسەر جەستەی ماوە ، بە خەستی لە بارێکی ناخۆش دایە .
شێخ زەکزاکی لە پەلاماری خوێناوی هێزەکانی نیجریا بۆسەر حسێنیەی شاری زاریا لە ویلایەتی کادونا لە ساڵی 2015دا بریندار بوو .
دادگای باڵای نیجریا ساڵێک پێش رایگەیاند دەبێ شێخ زەکزاکی ئازاد بکرێ و 120 هەزار دۆڵار وەک قەرەبوو بدرێ بەو و هاوسەرەکەی. بەڵام لەبەر زەخت و زۆریەکانی ئەمریکا و سعودی و ئیسڕراییل ، حکومەتی نیجیریا ئەم بڕیارەی جێبەجێ نەکردووە .
/129
٢٢ تەمووز ٢٠١٩ - ٠٩:٢٤
News ID: 963429

چالاکانی بەریتانی خوازیاری ئازادکرانی رابەری بزووتنەوەی ئیسلامیی نیجریا بوون .