(ABNA24.com) ویلایەتە یەکگرتووەکانی ئەمریکا بۆ سێهەمجار بڕیاریدا عیراق ببوێرێت بۆ ماوەی سێ مانگی دیکە لە سزا سەپێنراوەکانی واشنتۆن لە دژی ئێران، کە رێگە دەدات بە بەغدا وزەی کارەبا و گازی سروشتی لە ئێرانەوە هاوردە بکات.
ئاژانسی هەواڵی فڕانس پرێس لە زاری سەرچاوەیەکی باڵای حکومەتی عیراقەوە بڵاویکردەوە، ماوەی 90 رۆژی دیکە مۆڵەت بۆ عیراق درێژکراوەتەوە، بۆ هاوردەکردنی وزەی کارەبا و گازی سروشتی لە ئێرانەوە.
سەرچاوەکە ئاشکرایکردووە، ئەو مۆڵەتە نوێیە دوای گفتوگۆیەکی درێژخایەنی نێوان ئەمریکا و عیراق بووە، کە تا دواڕۆژەکانی کۆتایی مۆڵەتەکەی دووەم بەردەوام بووە.
ئەمریکا بەم دواییانە و دوای کشانەوەی لە رێککەوتنی ئەتۆمی کە لە نێوان گروپی پێنج کۆیەک لەگەڵ ئێراندا ئیمزاکراوە، جارێکی تر گەمارۆکانی خۆی سەپاندنەوە بەسەر ئێراندا .
عیراق ساڵانە بڕی 28 ملیۆن مەتر سێجا گازی سروستی لە ئێرانەوە بۆ وڵاتەکەی هاوردە دەکات بۆ کارپێکردنی کارەگە و وێستگەکانی کارەبا و، بەشێوەیەکی راستەوخۆش بڕی هەزار و 300 میگاوات وزەی کارەبا هاوردە دەکات.
/129
١٧ حوزەیران ٢٠١٩ - ٠٥:٠٥
News ID: 951709
ویلایەتە یەکگرتووەکانی ئەمریکا بۆ سێهەمجار بڕیاریدا عیراق ببوێرێت بۆ ماوەی سێ مانگی دیکە لە سزا سەپێنراوەکانی واشنتۆن لە دژی ئێران، کە رێگە دەدات بە بەغدا وزەی کارەبا و گازی سروشتی لە ئێرانەوە هاوردە بکات.
