به‌هۆی دوو ته‌قینه‌وه‌ی جیاوازه‌وه له شاری به‌غداد، ژماره‌یه‌ك هاوڵاتی كوژران‌و زیانێكی زۆریش به ناوچه‌ی ڕووداوه‌كان گه‌یشتوه.
سه‌رچاوه ئه‌منییه‌كانی شاری به‌غدادی پایته‌ختی عێراق ڕایانگه‌یاند: به‌هۆی دوو ته‌قینه‌وه له ناوه‌ڕاستی ئه‌و شاره، زیاتر له 10 هاوڵاتی كوژراون‌و ده‌یانی دیكه‌ش بریندار بوون.
ئاژانسه‌كانی هه‌واڵ له زاری به‌رپرسانی ئه‌منییه‌وه بڵاویان كردوه‌ته‌وه: ته‌قینه‌وه‌ی یه‌كه‌م له ڕێگه‌ی ئۆتۆمبیلێكی بۆمبڕێژكراوه‌وه له پاركێكی ئۆتۆمبێلدا روِویداوه‌‌و به‌وهۆیه‌وه 9 كه‌س كوژران‌و 22ی دیكه‌ش بریندار بوون، هاوكات ته‌قینه‌وه‌ی دوه‌م، زیاتر له 15 كوژراو و برینداری لێ كه‌وتوه‌ته‌وه.
شایه‌تحاڵه‌كانی شاری به‌غداد، ڕوونیان كردۆته‌وه، بێجگه له قوربانییه گیانییه‌كان، زیانێكی زۆری مادیش به ناوچه‌ی هه‌ردوو رووداوه‌كه گه‌یشتوه و چه‌ندین ئۆتۆمبیلی هاوڵاتییان سوتاون
