عەباس عێراقچی وەزیری دەرەوەی ئێران لە لێدوانێک بۆ کەناڵی پیبیئێس، سەبارەت بە ئامادەبوونی ڕێبەری نوێی ئێران بۆ دانوستان یان ئاگربڕ لەگەڵ ئەمریکا، ڕایگەیاند کە هێشتا زووە بۆ قسەکردن لەوبارەیەوە و ئێمە هێشتا چاوەروانی وتاردان و دەربڕینی هەڵوێستەکانی بەڕێزیانین.
عێراقچی ڕاشیگەیاند: پێموا نییە بابەتی گفتوگۆ یان دانوستان لەگەڵ ئەمریکا دیسان لە ڕۆژەڤماندا بێت، چونکە ئەزموونێکی زۆر تاڵمان لە دانوستان لەگەڵ ئەمریکا هەیە و ئەوان دیسان لە میانەی دانوستانەکاندا هێرشیان کردە سەر ئێران.
وەزیری دەرەوەی ئێران بە ئاماژە بەوەی کە ئەمریکاییەکان پێشتر دانیان بە پێشکەوت لە دانوستانە ئەتۆمییەکاندا کردبوو و بەڵێنیان دابوو کە هێرش ناکەنە سەر ئێران، وتی: دانوستان لەگەڵ ئەمریکا لە ڕۆژەڤماندا نییە.
Your Comment