موعین کازمی پەرلەمانتاری پێشووی عێراق ڕایگەیاند کە بەربژێری بۆ پۆستی سەرۆک وەزیرانی عێراق تا ئاستی 6 کەس دابزیوە و هاوکات دوو ڕەوتی "ڕێکخراوی بەدر" و "عەسائیبی ئەهلی حەق" بۆ وەرگرتنی پۆستی جێگرایەتی یەکەمی پەرلەمان پێکەوە لە ڕکابەریدان.
کازمی بە ئاماژە بەوەی کە ئەو 6 کەس پێکهاتوون لە 3 سەرۆکوەزیرانی پێشووی عێراق و 3 کەسایەتیی تری ئەو وڵاتە، ڕاشیگەیاند: چوارچێوەی هاوئاهەنگی شیعە ڕەنگە تا بەر لە یەکەمین کۆبوونەوەی پەرلەمان لە 29ی دیسامبێر(8ی سەرماوەز)، کەسێکی دیار بۆ بربژێریی پۆستی جێگرایەتی یەکەمی پەرلەمان دەستنیشان بکات.
زیادیشی کرد: ئەگەر هاوپەیمانی دەوڵەتی یاسا سوور بێت لە گرتنەدەستی پۆستی سەرۆکوەزیران، هیچ بەربژێرێک بۆ پۆستی جێگری یەکەمی پەرلەمان ئاراستە ناکات و ئەو پۆستە لە ڕکابەریی نێوان ڕێکخراوی بەدر و عەسائیبی ئەهلی حەق، دیاری دەکرێت.
Your Comment