سەید کەماڵ خەرازی سەرۆکی شۆڕای ستراتژیی پەیوەندییە دەرەوەییەکان لە لێدوانێک بۆ ڕۆژنامەی "مصری الیوم"، بە ئاماژە بە مێژووی پڕ لە ناکۆکیی ناوچە، جەختی کرد: زاڵبوون بە سەر ڕۆژهەڵاتی ناوین بەردەوام ئامانج و خەونی داگیرکەران بووە و سازدانی ڕژیمی ئیسرائیلیش بە مەبەستی ئاژاوەنانەوە و ناسەقامگیرکردنی ئەم ناوچەیە کراوە.
ناوبراو بە ڕەخنە لە سیاسەتەکانی ئەمریکا و ڕژیمی زایۆنی، وتی: ئەمریکا و ئەورووپا دەستهەڵگری ئەو ناوچەیە نین و ئاژاوەنانەوە، ناسەقامگیری و شەڕ، دەستێوەردانیان ئاسانتر دەکات.
خەرازی لە وەڵامی پرسیار پێداگریی ئێران بۆ هەڵوێستی ئاشتی‌خوازانەی ناڤۆکیی ئێران و کاریگەریی گەمارۆ ئابوورییەکان لە سەر گەشەی پلانی ناڤۆکیی، ڕوونی کردەوە: گەمارۆکان لە دژی ئێران هیچ کاریگەرییەکی لە سەر چالاکی ناڤۆکی ئێران نەبووە و وەک دەبینین ئێران ڕۆژ بە ڕۆژ سەرکەوتنی زیاتری لە بواری تەکنۆلۆژیای ئاشتی‌خوازانەی ناڤۆکی هەبووە.
وتیشی: ئێران لە پیتشەسازی ناڤۆکیی نە تەنیا بۆ دابین‌کردنی سووتەمەنی ئەتۆمی بۆ وزەخانەکان و ئەوانی لە داهاتوودا چێ‌دەکرێن کەڵکی وەرگرتووە، بەڵکوو لە بواری پیشەسازی دەرمانی، کشتوکاڵ و ... لەم تەکنۆلۆژییە کەڵکی وەرگرتووە و لە ئێستادا ئامادەین بۆ گواستنەوەی توانستی زانستی و تەکنیکیی ناڤۆکیی خۆمان هاوکاریی وڵاتانی ناوچە بکەین.
342/
