«ئیسحاق هێرتزۆگ» سەرۆکی ڕژێمی زایۆنی، سبەی یەکشەممە، سەردانی بەحرەین دەکات.
بە پێی ڕاپۆرتی ڕۆژی شەممەی هەواڵدەریی ڕادیۆو تەلەفزیۆنی ئێران، "شێخ عیسا قاسم" ڕابەری بزوتنەوەی ئیسلامیی بەحرەین لە تویتێکدا نووسیویەتی: ئاسایی کردنەوەی پەیوەندییەکان لەگەڵ ڕژێمی زایۆنی خیانەت و پیس کردنی خاکی بەحرەین بە هەنگاوی نەگریسی سەرۆکی ڕژێمی زایۆنی، «ئیسحاق هێرتزۆگ»، جێگای شەرمەزارییەو دیارە ئەمەش شەرەفی خەڵکی بەحرەین ھەڵیناگرێت.
ڕابەری بزوتنەوەی ئیسلامیی بەحرەین ڕایگەیاند کە قسە و کردەی خەڵکی سەربەرزی بەحرەین یەکێکە و ڕوونیشی کردەوە کە «ئیسحاق هێرتزۆگ» دوژمنێکی دەست درێژکارو ڕق لە دڵە.
چوار وڵاتی عەرەبیی ئیمارات، بەحرەین، سودان و مەغریب لە ساڵی ٢٠٢٠دا پەیوەندییەکانیان لەگەڵ ڕژێمی زایۆنی بە گوشار و نێوەندگیریی ئەمریکا و بێ گوێدانە تاوانکارییەکانی ڕژێمی زایۆنی لە دژی فەلەستینییەکان ئاسایی کردەوە. ئەم کارەش لەگەڵ شەپۆلی دژایەتیی وڵاتانی عەرەبی و ئیسلامی دا بەرەوڕوو بووەوە.
342/
