تەلەفزیۆنی سوریا ئەمڕۆ رایگەیاند، تەقینەوەیەك لەوێستگەیەكی پاس لەشاری حەمای ئەو وڵاتە روویداوەو لەئاكامدا ژمارەیەك هاوڵاتی سوری كوژراون و برینداربوون.
بەپێی هەواڵ دەری ئەهلی بەیت.ع.ابنا: بەپێی ئامارە سەرەتاییەكان بەهۆی ئەو تەقینەوەیەوە دوو كەس كوژراون و نۆی تر برینداربوون.
تائێستا هیچ كەس و لایەنێك بەرپرسیارێتی خۆی لەتەقینەوەكە رانەگەیاندووە.
سەرەتای ئەم هەفتەیەش، تەقینەوەیەكی خۆكوژی لەدیمەشقی پایتەختی سوریا روویداو بەپێی ئەو ئامارانەی كە بڵاوكراونەتەوە، بەهۆیەوە 20 كەس كوژران و ژمارەیەكی تریش برینداربوون.
لەماوەی 6 ساڵی سەرهەڵدانی شەڕوبارگرژییەكان لە سوریاو بەپێی ئەو ئامارانەی بڵاوكراونەتەوە، 300 هەزار كەس كوژراون و زیاتر لە5.5 ملیۆن هاوڵاتی ئاوارەی دەرەوە سوریا بوون و نزیكەی 6.3 ملیۆنی تریش ئاوارەی ناوخۆی وڵاتەكە بوون.
.............
