دوو چەکداری خۆکوژ لە شاری جەددەی سعودیە پاش گەمارۆدانیان لەلایەن هێزە ئەمنییەکانەوە خۆیان تەقاندەوە، چەكدارێكی دیكەش لەگەڵ هاوژینەكەی دەستگیركران.
به پێی هەواڵ دەریی ئەهلی بەیت(ع) ، ابنا: رۆژی شەممە 21-1-2017، هێزە ئەمنییەكانی سعودیە لەیەك كاتدا هەڵیانكوتایە سەر دوو شوێن، بەپێی راگەیێندراوێكی وەزارەتی ناوخۆی سعودیە، "تیرۆرستان" هەردوو شوێنەكەیان بۆ پشوودان و دروستكردنی بۆمب و پشتێنەی بۆمبڕێژكراو بەكارهێناون.
دوو چەكداری "تیرۆریست" لە شوێنی یەكەم ژیاون، هێزە ئەمنییەكان داوایان لێكردوون خۆیان بەدەستەوە بدەن، بەڵام ئەو دوو چەكدارەكە رەتیان كردووەتەوە و دەستیان بە تەقەكردن كردووە، لەبەرامبەردا هێزە ئەمنییەكانیش بەرپەرچیان داونەتەوە.
وەزارەتی ناوخۆی سعودیە لە راگەیێندراوەكەدا ئاماژەی بەوە كردووە، دوو چەكدارە دوای بێئومێدبوون لە رزگاربوون و نەكەوتنە ژێر دەستی هێزە ئەمنییەكان، خۆیان تەقاندووەتەوە، ئەمەش بووەتە هۆی تەقینەوەی شوێنەكە، كە وەكو كارگەی دروستكردنی بۆمب بەكاریانهێناوە.
هەمان كات لە گەڕەكی نەسیم-ی پارێزگای جەددە، هێزە ئەمنییەكان هەڵیانكوتاوەتە سەر شووقەیەك كە كەسێكی لێبووە و پەیوەندی لەگەڵ ئەو دوو چەكدارە هەبووە، پێشئەوەی بەرگریش لە خۆی بكات، دەستگیركراوە.
دەستگیركراوەكە رەگەزنامەی سعودی هەیە و ناوی (حوسام صاڵح سەمیران)ە، هاوژینەكەشی ناوی (فاتیمە رەمەزان بالوشی)یە و رەگەزنامەی پاكستانی هەیە، ئەویش دەستگیركراوە، لە شووقەكەش دەست بەسەر چەندین پارچە چەكدا گیراوە.
وەك لە راگەیێندراوەكەی وەزارەتی ناوخۆ ئاماژەی پێدراوە، هێزە ئەمنییەكان دەستیان بە لێكۆڵینەوە لە دەستگیركراوەكان و ئاشكراكردنی ناسنامەی خۆكوژەكان كردووە، دوای وەرگرتنی زانیاری پێویست ئاشكراكردنی ناسنامەی دوو خۆكوژەكە كردووە و، لە ئایندەیەكی نزیكدا ناسنامەیان ئاشكرا دەكەن.
.............
کوتایی پیام/ ۲۱۸
