ئیتاڵیا نزیکەی ٩٠٠ کۆچبەری رزگارکرد

ھێزی دەریاوانی ئیتاڵیا نزیکەی ٩٠٠ کۆچبەری رزگارکرد

لەگەڵ بەردەوام بونی قەیرانی کۆچبەران، ھێزی دەریاوانی ئیتاڵیا نزیکەی ٩٠٠ کۆچبەری نایاساییان لە کەناراوەکانی لیبیا رزگارکردووە.

به پێی هەواڵ دەریی ئەهلو بەیت(ع) ، ابنا:سەرچاوەکانی ئیتاڵیا، کۆچبەرەکان لەناو دوو بەلەمدا بوون و ویستویانە لەڕێی کەناراوەکانی لیبیاوە بگەنە سنوورەکانی خاکی ئیتاڵیا.

بەوتەی سەرچاوەیەک لە ھێزی دەریای ئیتاڵیا، بەشێکی زۆری کۆچبەرەکان لە ئەریتریاو بەنگال و پاکستان و سۆماڵ و سوریاوە کۆچیان کردووە.

بەپێی ئامارێکی وەزارەتی ناوخۆی ئیتاڵیا، لەماوەی ساڵی ٢٠١٦دا، زیاتر لە ١٨٠ ھەزار کۆچبەر گەیشتوونەتە کەناراوەکانی ئیتاڵیا، کە ئەمەش بە بەراورد لەگەڵ ساڵی ٢٠١٥، رێژەکە ١٧% زیادیکردووە.

لەلایەن خۆشییەوە، رێکخراوی نەتەوە یەکگرتووەکان ئاشکرایکرد: زیاتر لە ٥ ھەزار کەس لەکاتی کۆچکردنیان بەرەو ئیتاڵیا، لە نزیک کەناراوەکانی لیبیا گیانیان لەدەستداوە.