کوژرانی ژومارێک لە تیرۆریستان لە سووریا

بەپێی ڕاپۆرتی هەواڵدەریی ڕەسمی سوریا سانا، هێزی ئاسمانیی ئەرتەشی سوریا ڕۆژی سێ شەممە ناوەندەکانی کۆبوونەوەی تیرۆریستانی داعشی  لە دەورووبەری  دەیروزور بوردومان کرد کە لەم ئۆپراسیۆنە  ژومارێک  تیرۆریست کوژران و چەند ئۆتۆموبیلی تیرۆریستانیش تێک شکێندرا.

هێزی سوری هەروەها بنکەی تیرۆریستانی ناسراو بە جەیشولفەتحیان  لە زۆرێک لە گوندەکان و شاروچکەکانی دەورووبەری بەشی باکووری حەما لە ڕۆژاوای سوریا تێک شکاند.

لەم ئۆپراسیۆنە دا ژومارێک تیرۆریست کوژراون و کەرەستەی تیرۆریستانیش تێک شکێندراوە.

هێزی ئاسمانی سوریا بنکەی تاقمی تیروریستیی داعش و بەرەی نوسرەیان لە دەورووبەری بەشی باکووری  و ڕۆژهەڵاتی  حومس لەناوبرد . لەم ئۆپراسیۆنەش ژومارێک لە تیرۆریستان کوژران .

هەروەها ناوەندی ڕووسی  حەمیمەیم  تایبەتی چاوەدێری بەسەر ئاگربەس لە سوریا باسی تۆمار کردنی 45 چەشن بنپێکردنی ئاگربەسی کرد لە لایەن تاقمەکانی تیروریستی لە ماوەی شەو و ڕۆژی رابردوودا .

ئەم ناوەندە لە بەیاننامەکەی دا ڕایگەیاند 26 جاری ئەم بنپێکرانە لە پارێزگەی حەڵەب، یازدە جار لە پارێزگەی دیمەشق، چوار جار لە حەما، دووجار لە لازقیە و دوو جاریش لە پارێزگەی قونەیتەرە بووە....

کۆتایی کورتە نامە/310