نوێنەرایەتی کۆماری ئیسلامیی ئێران لە ڕێکخراوی نەتەوە یەکگرتووەکان، لە کاردانەوە بە وڵاتانی پشتیوانی لە بڕیارنامەی سیاسی ئەمریکا دژی ئێران، پەیامێکی لە یەکێک لە تۆڕە کۆمەڵایەتییەکان بڵاو کردەوە.
نوێنەرایەتی ئێران نووسی: ئێستا ڕوونە کە ئەمریکا بە دوای کەڵکی ئاوەژۆ گرتن لە ژمارەی بەناو هاوسپۆنسەرەکانی ڕەشنووسی سیاسی تاکلایەنەی خۆی بۆ دروستکردنی وێنەیەکی درۆینەی “پشتیوانیی نێودەوڵەتی بەرفراوان” بۆ کارە نایاساییە بەردەوامەکانی و ڕێخۆشکردن ڕێگەیەک بۆ زیاتر سەرکێشی سەربازی لە ناوچەکەدا دەگەڕێت.
نوێنەرایەتی ئێران جەختی لەوە کردەوە: ئەگەر ئەمریکا دەستپێشخەری هەر پەرەسەندنێکی نوێی گرژییەکان بکات، هەموو وڵاتانی لایەنگری واشنتۆن بەرپرسیارێتی نێودەوڵەتی لە ئاکامەکانی لە ئەستۆ دەگرن.
لە وتارەکەدا هاتووە: هیچ بیانوویەکی سیاسی و بەرگێکی دیپلۆماسی ناتوانێت لە بەرپرسیارێتی ئاسانکاری و کاراکردن و شەرعیەتدان بە دەستدرێژی ئەمریکا بێبەرییان بکات.
Your Comment