بە ڕاپۆرتی ئاژانسی هەواڵی ابنا - موحەمەد جەواد زەریف وەزیری دەرەوەی ئێران لە تورکیا لە کۆنفڕانسی ڕۆژنامەڤانی بە وتنی ئەوەی کە پێوەندی لەگەڵ دراوسێکانمان بۆ ئێمە و ناوجەکەمان یەکمایەتی سیاسەتی دەرەوە بووە وتی: پاش تەشەنە سەندنی کۆرۆنا سەفەرێکم بۆ سووریا هەبوو و ئێستاش لە تورکیام.
ناوبراو زیادی کرد: ئێران و تورکیا لە بوارە جیاوازەکان پێوەندی قووڵیان هەیە و ئەو پێوەندیە پێویستی بە ڕاوێژی بەردەوام هەیە کە بەهۆی کۆرۆناوە ماوەیەکە ئەو ڕاوێژگەلە لە ئاستی باڵا ئەنجام نەدراوە.
زەریف درێژەی دا: ئەگەرچی سەرۆک کۆمار، وەزیران و بەرپرسانی کۆمیسیۆنی هاوبەشمان پێکەوە لە ڕێگای تەلەفۆنەوە قسەیان کردووە بەڵام دیدارمان نەبووە هەر بۆیە وام هەست کرد کە ئەم سەفەرە زۆر پێویستە.
وەزیری دەرەوەی ئێران وتیشی: لە ئەو سەفەرەدا سەبارەت بە پرسی دوو لایەنە و دەست پێکردنەوەی پێوەندی ئابووری کە بە هۆی بڵاو بوونەوەی کۆرۆناوە تووشی کێشە هاتبوو و هاوکاری لە بواری وزە و هەروەها پرسی ناوچەیی گفتوگۆ دەکرێت.
342/
