بە ڕاپۆرتی ئاژانسی هەواڵی ابنا - ئینیاکی خیل دەسان بیسێنتە کارناسی ئیسپانی لە وتووێژ لە گەڵ هەواڵنێری ئاژانسی هەواڵی مێهر سەبارەت بە سەرچاوەی ڤایرۆسی کۆرۆنا وتی: پێشتر گریمانەگەلێک و چەندین هۆکار لەبارەی دەسکردبوونی ئەو ڤایرۆسە و پەیوەندیی بە کارخانەیەکی بایۆکیمیا لە نزیکی شاری ڤۆهان لە وڵاتی چین و بوونی ژمارەیەک ئەمریکی لەو کارخانە هاتە ئاراوە، بەڵام بە داخەوە پەرەسەندنی خێرا و تۆقێنەرانەی ڤایرۆسی کۆرۆنا لە ئاستی جیهانی، پرسیاری دیکەی ورووژاند.
کارناسی ڕادیۆی ئیسپانی جێگرایەتی نێونەتەوەیی دەنگ و ڕەنگ بە ئاماژە بە گریمانەی دەستهەبوونی ئەمریکییەکان لە سازدان و بڵاوکردنەوەی بە ئانقەستی ڤایرۆسی کۆرۆنا بە پێی زانیارییە ئاشکرابووەکان لە چین، ڕاشیگەیاند: بەرپرسانی چینی ئەگەرچی ئەو بۆچوونە ڕەت ناکەنەوە، بەڵام بە هۆی هەندێک بەرژەوەندیی وڵاتەکەیان و بە ئاوردانەوە لە دۆخی تەشەنەسەندوویی ئێستای جیهان، بێدەنگیان بەو باسە هێناوە. ئەگەرچی دڵنیاین ئەوان بەڵگە و دایکۆمێنتێکی زۆریان لەوبارەوە لە بەردەستە.
ئینیاکی لەبارەی پەیوەندییەکانی ڤایرۆسی کۆرۆنا و چەکی بایۆلۆژیکی بوونی، ئەو جۆرە چەکانەی لە ڕیزی "ئێتنۆبۆمب" دانا کە بۆ لەناو بردنی گرووپگەلی ئیتنیکی تایبەتی بەرهەم دەهێنرێن و ڕوونی کردەوە: ئەگەرچی لە داڕشتنی ئەو جۆرە بۆمبانە توێژینەوەیەکی زۆر لە سەر تایبەتمەندییە ژێنێتیکییەکانی گرووپێکی ئیتنیکی دەکرێت، بەڵام وادیارە ئەم چەکە نوێیە لە کۆنتڕۆڵی داڕێژەرانی دەرچووە و بۆتە هەڕەشە و پەتایەک بۆ هەموو مرۆڤایەتی.
............
340
