بە ڕاپۆرتی ئاژانسی هەواڵی ابنا - حەسەن روحانی لەم وتووێژە تەلەفۆنیەدا بە ئاماژە بەوەی کە هەڵوێستی راشکاوانەی حکومەتی عێراق و ئەمادەبوونی خەڵکی ئەم وڵاتە لە رێوڕەسمی ماڵاوایی لە تەرمی شەهیدانی هەنگاوی تیرۆریستیی ئەمریکا لە بەغدا و کەربەلا و نەجەف ئازاری گەلی جەرگ سووتاوی ئێرانی هێور کردەوە ، وتیشی ، ئێران و عێراق دەبێ بە پەرەپێدانی پێوەندیی و هاریکاریی خۆیان لە بەرامبەر دەسدرێژکاریی و دەسوەردانی ئەمریکادا ڕاوەستن .
هەروەها وتی: کاری پەرلەمانی عێراق بۆ پەسەند کردنی بڕیاری چوونەدەرەوەی هێزەکانی ئەمریکا لە عێراق دەستپێکی گەشە و پاوەجێی زیاتری ناوچە دەبێت.
ڕۆحانی وتی: دەبێ بەو چەشنە هەنگاو هەڵگرین کە دوژمنان بزانن ناتوانن زەبر لە پەیوەندی دوو وڵات بدەن.
لای خۆیشیەوە بەرهەم ساڵح سەرەخۆشی شەهیدبوونی سەردار سولەیمانی بە ڕۆحانی وت و ڕایگەیاند: شەهادەتی سولەیمانی و ئەبوو مەهدی ئەلموهەندیس خەمێکی گەورەیە بۆ دوو گەلی ئێران و عێراق.
جەختی کردەوە کە یەکگرتوویی و دۆستایەتی دوو گەلی ئێران و عێراق پشکی شێری هەیە لە پەرە سەندنی ئاسایش و ئەمنیەتی ناوچەکە.
..........
340