بە گێڕانەوە لە “النهرین”، سەرچاوەگەلی عێراقی لە جێگرکرانی بەربڵاوی هێزەکانی حەشدی شەعبی و هێزەکانی ئاسایشی عێراق لە ناوچەی کەمەربەندی بەغدا و رۆژهەڵاتی ئەنبار لە چوارچێوەی ئۆپەراسیۆنی دابین کردنی ئاسایشی زیارەتکارانی چلەی ماتەمینی ئیمام حسێن (دخ) هەواڵیان دا.
سەرچاوەگەلی سەر بە حەشدی شەعبی عێراق ڕایانگەیاند: هێزەکانی یەکەی ٢٧ی حەشدی شەعبی بەرپرسایەتی ئاسایشی جادەی پەیوەندیی نێوان بەغدا و ئەنباریان بە ئەستۆ گرتووە و لەو پێناوە دەستیان داوەتە پشکنینی ناوچە بە مەبەستی جێگرکردنی باری ئاسایش و بەرەنگاربوونەوەی کێشەگەلی شیمانەیی.
لە لایەکی دیکەوە فەرماندەیی ئۆپەراسیۆنی بەسرەش ئەمڕۆ چوارشەممە لە ئامادەیی هێزەکانی ئەو فەرماندەییە بە مەبەستی دابین کردنی ئاسایشی زیارەتکارانی چلەی ماتەمینی ئیمام حسێن (دخ) کە لەو رێگەوە بەرەو کەربەلا تێدەپەڕن، هەواڵی دا و ڕایگەیاند: ڕێوشوێنی ئەمنیی تایبەتی لە لایەن فەرماندەیی ئۆپەراسیۆنی بەسرە گیراوەتە بەر و هێزەکانی ئاسایش بە شێوەیەکی بەربڵاو بۆ دابین کردنی ئاسایشی زیارەتکارانی چلەی ماتەمینی ئیمام حسێن (دخ) لە سنووری پارێزگاگەلی دراوسێدا جێگر بوونە.