پێشنیوه‌ڕۆی ئه‌مڕۆ ره‌جه‌ب ته‌یب ئه‌ردۆغان، سه‌رۆك كۆماری توركیا به سه‌رۆكایه‌تی شاندێكی باڵا گه‌یشته به‌غدا و له‌گه‌ڵ به‌رپرسانی باڵای عێراق گفتوگۆ ده‌كه‌ن و رێككه‌وتنامه‌ی ستراتیژی واده‌كه‌ن.
عه‌لی حه‌مه‌ساڵح له هه‌ژماری تایبه‌تی خۆی نوسیوویه‌تی: "یەکێک لە ڕێککەوتنەکان ئەوەیە، تانکەری نەوتیش لەدەست دەسەڵاتدارانی هەرێم دەربکەن، عێراق و تورکیا لەسەر هەناردەی نەوتی هەرێم ڕێکبکەون.
ئاماژه‌ی به‌وه‌شكردوه، تەوەرێکی سەرەکی کۆبونەوەکە، هەناردەکردنەوەی نەوتی کەرکوک و نەوتی هەرێمی کوردستانە لە ژێر سەرپەرشتی سۆمۆ بۆ تورکیا، هه‌روه‌ها باس له تەواوکردن و وەگەڕخستنی خاڵی سنوری اوفاكوى، لەنێوان عێراق و تورکیا ده‌كرێت كه ده‌كرێته بەدیلێکی بەهێز بۆ ئیبراهیم خەلیل.
342/