باسم عەوادى، وتەبێژى حکومەتى عێراق لە کۆنفرانسێکی رۆژنامەوانیدا رایگەیاند: لێکتێگەیشتن لە بوارى ئاو لە نێوان سەرۆک وەزیرانى عێراق و سەرۆک کۆمارى تورکیا واژۆ دەکرێت
وتیشی: لیژنەى ئەمن و ئاسایشى عێراق باسی لەوەکردووە کە پەکەکە رێکخراوێکى قەدەغە کراوە و وەکو رێکخراوێکى قەدەغەکراو مامەڵەی لەگەڵ دەکرێت.
لەبارەی هەناردەی نەوتی هەرێمی کوردستان، باسم عەوادى وتی: بابەتى هەناردەکردنى نەوتى هەرێمى کوردستان لە کاتى خۆیدا گفتوگۆى لەسەر دەکەین.
ئاماژەی بەوەشکردووە کە کێشەى نێوان عێراق و تورکیا لەسەر هەناردەکردنەوەى نەوتى هەرێمى کوردستان چارەسەر بووە و تورکیا ئامادەیى بۆ دووبارە هەناردەى نەوتى هەرێمى کوردستان نیشانداوە.
لەبارەی پرسی ئاویشەوە، وتەبێژى حکومەتى عێراق باسی لەوەکرد، عێراق داواى پشکى خۆى لە ئاو دەکات و بۆ بەدەستهێنانى پشکى ئاو پێویست بە رێککەوتنى ئەمنیى دەکات.
لەبارەی پرسی فڕۆکەخانەی نێودەوڵەتیی سلێمانیشەوە، عەوادی وتی: بەتایبەت باسى فرۆکەخانەى سلێمانى نەکراوە، ئەگەر کێشە گەورەکانمان چارەسەر کرد کێشە بچووکەکانى دیکەش وەکوو کێشەى فڕۆکەخانەى سلێمانى چارەسەر دەبن.
342/