ئەمیر سەعید ئیرەوانی باڵوێز و نوێنەری هەمیشەیی ئێران لە نەتەوەیەکگرتووەکان لە نامەیەکدا بۆ ئانتۆنیۆ گۆرتێش و خاتوو ونسا فریزر سەرۆکی دەورەیی ئەنجومەنی ئاسایش، جەختی کرد: هیرشی ئێران بۆ سەر ئیسرائیل بە پێ مادەی 51 ی جاڕنامەی نەتەوەیەکگرتووەکان و لە وەڵام بە هێرشە بەردەوامەکانی ئیسرائیل بوو.
ناوبراو وتیشی: بەداخەوە ئەنجومەنی ئاسایش ئەرکی خۆی بۆ پاراستنی ئاشتی و ئاسایشی نێودەوڵەتی کەمتەرخەمی دەکات و ئیسرائیل ئیزن دەداتە خۆی هێڵە سوورەکان تێکبشکێنێت و بووەتە هۆی ئاڵۆز بوونی ناوچەکە و ئاسایش و ئاشتی ناوچەیی و نێودەوڵەتی خستووەتە مەترسییەوە.
هەروەها درێژەی دا: ئێران لە ئەگەری پێویستدا لە بەکارهێنانی مافی بنەڕەتی خۆی بۆ بەرگری ڕەوا گومان ناکات و دوودڵ نابیت و ئەگەر ئیسرائیل دووبارە هیرش بکات هەوا ئێرانیش بەدڵنیاییەوە بەهێزتر و قایمتر وەڵام دەداتەوە.
342/