سەردار سەید یەحیا ڕەحیم سەفەوی سەرلەبەیانی ڕۆژی هەینی لە ڕێپێوانی ڕۆژی جیهانی قودس لە شاری سنە ڕایگەیاند: ئامادەبوونی جێی سەرنج و بەرچاوی خەڵکی سنە لە ڕاستیدا وەڵامدانەوەی بانگەوازی پێغەمبەرە لە ئیسلام.
وتیشی: پشتیوانی گەل لەم ڕێپێوانەدا و هاوکاری ئێوە بۆ گەلی ستەملێکراوی فەلەستین بۆ ئازادی لە خاکی خۆیان و مافی ژیان لە ماڵەکانیاندا گەورەترین پەیامی ئەم ڕێپێوانەیە.
سەردار ڕەحیم سەفەوی وتی: پەیامی ڕێپێوانی سەدان شاری ئێران و دەیان وڵاتی جیهان و خەڵکی ئازادیخوازی جیهان دەیەوێت ڕابگەیەنێت کە پێویستە ئاگربەستی دەستبەجێ لە غەززە و فەلەستین ڕابگەینرێت و ڕێگاکانی گەیاندنی ئاو و خۆراک و دەرمان بۆ گەلی ستەملێکراوی فەلەستین بکرێتەوە.
ناوبراو ڕایگەیاند: ئەمڕۆ گەلی فەلەستین برسی و تینوو و بریندارن و دەستیان بە هیچ شتێک ناگات و ڕێپێوانی خەڵکی بوێر و ئازای شاری سنە وتارێکی بەهێزە بۆ پشتیوانی لە هێزەکانی بەرەی خۆڕاگری، لە ڕۆژهەڵاتەوە دەریای ناوەڕاست تا دەریای سوور و کەنداوی فارس، کە جەنگاوەرانی ئازا لەوێ بەرەی خۆڕاگری لە فەلەستین، لوبنان، سوریا و یەمەن چوونەتە گۆڕەپانی شەڕێکی سەرسوڕهێنەر و چاوەڕواننەکراو لە دژی زایۆنیستە تاوانبار و بکوژەکان بۆ پشتیوانی لە گەلی ستەملێکراوی فەلەستین.
342/