سەید ئیبراهیم ڕەئیسی، پاشنیوەڕۆی ئەمڕۆ یەکشەممە لە پەیوەندییەکی تەلەفۆنیدا لەگەڵ ڕەجەب تەیب ئەردۆغان، سەرۆک کۆماری تورکیا، وێڕای پیرۆزبایی جەژنی ڕەمەزانی پیرۆز و هیوای ئاشتی، سەقامگیری، ئاسایش و خۆشگوزەرانی بۆ ئومەتی ئیسلامی، جەختی لەسەر گرنگییەکەی کردووەتەوە لە پێناو بەهێزکردنی پەیوەندییە سیاسی و ئابووری و کولتوورییەکانی نێوان دوو وڵات تا ئەو جێگایەی کە دەتوانرێت.
وتیشی: هەردوولا پێویستە ڕۆڵیان هەبێت لە دەستەبەرکردنی بەرژەوەندییەکانی هەردوو نەتەوە و هەروەها زیادکردنی یەکڕیزی و یەکگرتوویی نێوان ئومەتی ئیسلامی.
سەرۆک کۆماری ئێران بە ئاماژەدان بەوەی کە ئەمڕۆ ئوممەتی ئیسلامی چاوەڕوانی هەنگاوی چارەنووسساز لە سەرکردەکانی وڵاتانی ئیسلامی دەکات بۆ ڕاگرتنی ژینۆساید و تاوانەکانی زایۆنیستەکان لە فەلەستین، وتی: پێویستە وڵاتانی ئیسلامی بۆ دابینکردنی یارمەتی و یارمەتیدانی خەڵکی غەززە هاوکاری بکەن.
342/