ڕۆژی چوار شەممەى ڕابردوو لەنێوان بەڕێوەبەرایەتی خۆسەر و شاندێکى کۆماری قیرغیزستان ڕێککەوتنێک ئیمزاکرا بۆ گەڕاندنەوەی ژمارەیەک لە ژن و منداڵی کەسوکاری چەتەکانى داعش، کە لە کەمپی هۆڵ نیشتەجێ بوون.
ئەو ژن و منداڵانە، کە ژمارەیان ٢٧ ژن و ٧٢ منداڵ بووە لە کەمپی ھۆڵی کوردستانی سووریاوە ڕادەستى دەوڵەتى قیرغیزستان کراونەتەوە.
بەپێی ئامارەکانی فەرماندەیی ناوەندی هێزەکانى هاوپەیمانان لە باکوور و ڕۆژهەڵاتی سوریا، ساڵی ٢٠٢٣ تا ئێستا نزیکەی ٤٥٠٠ کەس لە کەسوکاری داعش لە کامپی ھۆڵ گەڕێندراونەتەوە وڵاتەکانی خۆیان.
342/