ناوه‌ندی په‌یوه‌ندییه‌كانی هه‌سه‌ده له ڕاگه‌یه‌ندراوێكدا بڵاویكرده‌وه، هێزه‌كانی ئۆپراسیۆنی هاوبه‌ش (هێزه‌كانی ئاسایشیی ناوخۆ- هه‌سه‌ده-یه‌په‌ژه) بۆ پاككردنه‌وه‌ی كامپی هۆڵ له شانه‌كانی داعش، بۆ ڕێگریی له بڵاوبونه‌وه‌ی بیری توندڕه‌وییان له ئاینده‌دا، "قۆناغی سێیه‌می ئۆپراسیۆنی مرۆیی و ئه‌منی"یان ده‌ستیپێكرد.
ئاماژه‌ی به‌وه‌شكردووه، ڕۆژی یه‌كه‌می ئۆپراسیۆنه‌كه سه‌ركه‌وتوو بوو 21 چه‌كداری شانه‌كانی داعش ده‌ستگیركران، مادده و كه‌لوپه‌لی تیرۆر ده‌ستیان به سه‌رداگیرا، ئه‌وه ئاشكرابو كه پێویستی به ده‌ستپێكردنی قۆناغی سێیه‌می ئۆپراسیۆنی مرۆیی و ئه‌منی هه‌بووه و كاتی ئه‌وه بووه كه به ده‌ستپێكردنی هه‌ڕه‌شه‌كانی تیرۆر له ناوخۆی كامپه‌كه بنه‌بڕ بكرێن، ئه‌وه‌ش ده‌بێته مایه‌ی ئه‌وه‌ی كه ئارامترین ناوچه له ڕۆژهه‌ڵاتی سووریا و ناوچه‌كانی دیكه‌ی جیهان ده‌سته‌به‌ر بكرێت.
source : Mehrnews
یەکشەممە
٤ شوبات ٢٠٢٤
٦:٥٤:٠٢ د.ن
1435214
هێزه‌كانی سوریای دیموكرات (هه‌سه‌ده) ورده‌كارییه‌كانی قۆناغی سێیه‌می "ئۆپه‌راسیۆنیی مرۆیی و ئه‌منی"ـی بڵاوكرده‌وه كه تا ئێستا 37 چه‌كداری داعش ده‌ستگیركراون.