گرووپەکانی بەرخۆدانی عێراق بە فڕۆکەیەکی بێفڕۆکەوان بنکەی داگیرکارانی ئەمریکایان لە شاری ئەلشەدادی هەڵکەوتوو لە باشووری پارێزگای حەسکەی سووریا کردە ئامانج.
سەرچاوە میدیاییەکان هەواڵیان لە بارەی هێرشی فڕۆکەی بێفڕۆکەوان بۆ سەر بنکەی ئەمریکا لە سوریا و ڕوودانی چەند تەقینەوەیەک بڵاوکردەوە.
ئەلمەیادین ڕاپۆرتی دا کە چەند تەقینەوەیەک لەم بنکەیەدا بیستراوە.
پێشتر سەرچاوە هەواڵییەکان بڵاویانکردبووەوە کە بنکەی سەربازیی ئەمریکا لە کێڵگەی نەوتی کۆنیکۆ لە دوو هێرشی جیادا لە ماوەی کەمتر لە کاتژمێرێکدا کراوەتە ئامانج، هەروەها ئێوارەی دوێنێ بە فڕۆکەی بێفڕۆکەوان هێرش کراوەتە سەر دوو بنکەی نایاسایی ئەمریکا لە ناوچەی ئەلتەنف لە سوریا.
بنکەکانی ئەمریکا لە سوریا و عێراق لە چەند هەفتەی ڕابردوودا چەندین جار بە مووشەک و فڕۆکەی بێفڕۆکەوان کراونەتە ئامانجی بەرخۆدانی ئیسلامی عێراق.
پنتاگۆن لەم دواییانەدا ڕایگەیاند: هێزە ئەمریکییەکان لە ١٧ی ئۆکتۆبەرەوە تا ئێستا بە نزیکەی ٧٠ هێرش بوونەتە ئامانج، کە ٣٢ هێرش لە عێراق و ٣٤ هێرش لە سوریا بووە و لە ئەنجامدا ٦٢ سەربازی ئەمریکی برینداربوون.
342/