لە کۆبوونەوەیەکی نهێنیدا ئێوی کۆخاوی سەرۆکی پێشووی ئەرکانی پێشووی ئەرتەشی ئیسرائیل سەبارەت بە شەڕی غەززە دەڵێت:
با بەمەوە دەست پێبکەم دڵنیام کە دەتوانین هێزی سەربازی و بناغەی حەماس لەناوببەین. بەڵێ ڕاستە ئێمە ناتوانین کولتوری برایەتی لە ئیسلام و ڕادیکالیزم و شتی لەو جۆرە لە مێشکی فەلەستینییەکان بسڕینەوە.
بەڵام لە لایەکی ترەوە دەتوانین هێزی سەربازی و تەشکیلاتی حەماس لەناو ببەین. ئێمە ڕێگەی سیستماتیکیمان هەیە بۆ درووستکردنی ئامانجی نوێ. لە ڕاستیدا ئێمە زۆر سەرکەوتووین لە دروستکردنی ئامانجی نوێ و ئەمەش پرۆسەیەکی بەردەوامە لەکاتی شەڕکردندا.
ئێمە سوپا و توانای پێویستمان هەیە. پێویستە هێزەکانمان بنێرین و بڵاوەیان پێبکەین [لە غەززە]. ئەو زەوییە پێویستە بە تەواوی لەلایەن هێزەکانمانەوە داپۆشرێت بۆ ئەوەی نەک هەموو، بەڵکو زۆربەی تیرۆریستان لەم ژێرخانەدا بدۆزینەوە.
نموونەیەک کە دەتوانم لە ڕابردووەوە پێتان بدەم ئۆپەراسیۆنی دیواری بەرگرییە. لەو کاتەدا زۆر کەس هەبوون کە گومانیان لە توانای ئێمە هەبوو بۆ نەهێشتنی تیرۆری فەلەستین لە جوولەکە و سامریا.
بەڵام دەبێت ڕاستی بڵێین کە دۆسیەی غەززە زۆر قورسترە. بەڵام ئێمە بۆمبی یەک تەن بەکاردەهێنین و هەموو شەوێک ٤٠٠ دانەیان [لە سەر فەلەستینییەکان] دەخەینە خوارەوە. ئێمە چیتر هەمان شێوازە [کۆنەکان] بەکارناهێنین.
لە ئۆپەراسیۆنی دیواری بەرگریدا ٦ هەفتەی پێچوو تا قۆناغە سەرەتاییەکان تێپەڕین. ٣ ساڵی خایاند تا ئێمە تیرۆریزمی فەلەستینی لەو ناوچەیەدا بە تەواوی لەناو ببەین. من ناڵێم سێ ساڵمان پێویستە، بەڵام ناتوانین بە سێ مانگ ئەم ئەرکە تەواو بکەین. بناغەی ئەم بزووتنەوەیە کات و کات و زەمەنە. پێویستە هەموو هەوڵێک بدەین بۆ بەدەستهێنانی کات و هێشتنەوەی. پێویستە هەوڵبدەین دۆخەکە باشتر بکەین یان داوا لە ویلایەتە یەکگرتووەکانی ئەمریکا بکەین کاتمان پێبدات و شتی ترمان بۆ دابین بکات. کۆمەڵگەی جیهانی بە سەرۆکایەتی ئەمریکا دەبێت لەوە تێبگات کە پێویستە کاتمان پێبدات. ئەوان خۆیان، واتە ئەوروپا و ئەمریکا و هەر حکومەتێکی لیبراڵ دیموکراتی مۆدێرن، جگە لە لەناوبردنی حەماس هیچ ئەنجامێکی تریان ناوێت . دەمەوێت شتێک لەسەر ئەم نەخۆشییە درێژخایەنە بڵێم. هەموو مەتافۆرێک سنووری خۆی هەیە، بۆیە ڕەنگە مرۆڤەکان بڕیار بدەن کە چیتر نایانەوێت لەگەڵ ئەم نەخۆشییە درێژخایەنەدا بژین، وڵات جێدەهێڵن، وڵات بەجێدەهێڵن! یان ئەوەی کە چیتر ڕازی نەبن بچنە جەلیل لە باکوور یان ناوچەکانی باشووری ئیسرائیل. دەڵێن ئیتر نامانەوێت لەگەڵ ئەم نەخۆشییە درێژخایەنەدا بژین و نامانەوێت لەم خاکە بەناو ئیلاهیەدا بمێننەوە. هەر بۆیە دەڵێم ئێستا لە گۆڕینی پارادایم نزیک دەبینەوە و هیوادارم وابێت، ئێمە لە خاڵێکی وەرچەرخانداین لە مێژووی جوولەکەدا.