وەزارەتی بەگری تورکیا لە راگەیەنراوێکدا بڵاویکردەوە، لە کاتژمێر 7:00ی ئێوارەی چوارشەممە، چەند هێرشێکی ئاسمانیان لە ناوچەکانی چیای مەتینی قەزای ئامێدی، چیای گارە لە پارێزگای دهۆک، چیای قەندیل لە پارێزگای سلێمانی و چیای ئاسۆس لە دەڤەری مەرگە بۆردومانکران.
ئاماژە بەوەشکراوە، لە هێرشە ئاسمانییەکاندا 22 بارەگای پەکەکە کە پێکهاتبوون لە ئەشکەوت، حەشارگە و کۆگا بۆردومانکران، هەروەها ژمارەیەک چەکدار کوژران.
هەر لەو بارەیەوە هاکان فیدان وەزیری دەرەوەی تورکیا رایگەیاند، بارەگای هێزە کوردییەکان و ژێرخانەکانیان لە سوریا و عێراق بەردەوام ئامانجی حکومەتی تورکیا دەبن، ئەمەش لە دوای ئەوەی لە ماوەی رابردوو تەقینەوەیەک لە بەردەم باڵەخانەی وەزارەتی ناوخۆی تورکیا رویدا.
342/