رێواز فایەق، سەرۆکی پەرلەمانی کوردستان رایگەیاند: بودجەی گشتی عێراق پەسەندکرا، پیرۆزبێت لەو وڵاتەی کە لە خراپترین دۆخیشدا دامەزراوەکانی بەپێی دەستور و یاسا بەرکارەکان ئەرکی خۆیان جێبەجێ دەکەن.
وتیشی:" لە هەرێمەکەی ئێمەش دو خولی پێنج ساڵی پەرلەمان کۆتاییپێهات و پەرلەمان و پەرلەمانتاران بە پاساوی نالۆژیکی لە جێبەجێکردنی گرنگترین ئەرکیان مەحرومکران".
راشیگەیاند: " ئیرادەی سیاسی چەندە ناجۆر و ناسازیش بێت ئاراستەی کاری دامەزراوەیی ناگۆڕێت، سەرباری تێبینی و کەموکوڕیش هێشتا خەڵک بە ئومێدەوە لە دامەزراوەکانی ئەڕوانێت".
ئاماژەی بەوەشکردوە، "لە هەرێمەکەی ئێمەش دو خولی پێنج ساڵی پەرلەمان کۆتاییپێهات و پەرلەمان و پەرلەمانتاران بە پاساوی نالۆژیکی لە جێبەجێکردنی گرنگترین ئەرکیان مەحرومکران".
د. رێواز فایەق باسی لەوەشکرد، "بەشی زۆری ئەو شەڕەی بردتانە بەغدا و کەس تێیدا سەرکەوتو نەبو، دەبو لە پەرلەمانەکەی خۆمان بکرایە و کوڕ و کچەکانی خۆتان یەکلاییان بکردایەتەوە و بەڵێنەکانی هەڵبژاردنیان جێبەجێ بکردایە، لێرە گۆشتی یەکتریشمان بخواردایە ئێسقانی یەکتریمان نەئەشکاند".
سەرۆکی پەرلەمانی کوردستان دەڵێت، "هیچ مەکەن تەنها سەیری پڕۆسەی دەنگدان لەسەر گێڕانەوەی پاشەکەوتی مووچە بکەن، تێدەگەن چیمان بە قەوارەکەمان و بە هاوڵاتیانمان و بە خۆمان و بە دامەزراوەکانمان کردوە."
342/