ئیدارەی خۆسەری باکوور و ڕۆژهەڵاتی سووریا ڕایگەیاند: دادگایی نەکردنی ئەو داعشانەی دەستگیرکراون پێچەوانەی یاسا و پێوەرە نێودەوڵەتییەکانە و مانەوەیان بەمشێوەیە مەترسی لەسەر دۆخی ئەمنی زیاد دەکات و بۆیە دادگاییکردنی ئەندامانی داعش دەستپێدەکات.
لە ڕاگەیەندراوێکدا، ئیدارەی خۆسەری باکوور و ڕۆژهەڵاتی سووریا بڵاویکردەوە، زیاتر لە 10 هەزار چەتەی ئەو ڕێکخراوە تیرۆریستییە لە دوایین بنکەی ڕێکخراوی داعش دەستگیرکران، ئێستا لە زیندانەکانی ئیدارەی خۆسەری باکوور و ڕۆژهەڵاتی سووریادان، هەروەها دەیان هه زار ئه ندامی خێزانه که یان هه یه که زۆربه یان منداڵ و ژنن و له که مپه کانی باکوور و ڕۆژهەڵاتی سووریادا ده ژین.
ئەوەشخراوەتەڕوو، هەر لە یەکەم ڕۆژەکانی کۆتایی هاتنی شەڕی باخزەوە و دوای ئەوەش ئیدارەی خۆسەر داوا لە کۆمەڵگەی نێودەوڵەتی دەکات ئەرکی خۆی لە چارەسەرکردنی دۆسیەی چەتەکانی داعش لەگەڵیدا جێبەجێ بکات، دەستپێشخەرییەکەی پێشکەش بە دەوڵەتە پەیوەندیدارەکان و ڕێکخراوە یاسایی و نێودەوڵەتییەکان کرد بۆ دامەزراندنی دادگایەکی نێودەوڵەتی و دادگاییکردنی نێودەوڵەتی.
هەروەها، پێویستە لەسەر چەتەکانی داعش دادگایی بکرێن بەپێی ئەو بەڵگەنامانەی لەگەڵ ئەو ئیدارەی کە لەگەڵ هاوبەشەکانیان تاوانی تیرۆریستییان بەرامبەر بە دانیشتوان و پێکهاتەکانی ناوچەکە ئەنجامداوە، ئێستاش سەرەڕای سەختی گەورە و پڕۆسەی گرنگ و هەستیار و ئەو بارگرانییە گەورەیەی کە لە دیوی خۆبەڕێوەبەریدایە، تاوانباران لە زیندانەکانی خۆیاندا دەهێڵنەوە بەبێ ئەوەی لێپێچینەوەیان لەگەڵدا بکرێت لەسەر ئەو تاوانانەی بەرامبەر بێتاوان ئەنجامیانداوە.
وەک لە ڕاگەیەندراوەکەدا هاتووە، مانەوە لەم دۆخەدا لەوە زیاتر ناکرێ و نەدانی ئەو تاوانبارانە بە دادگا پێچەوانەی یاسا و پێوەرە نێودەوڵەتییەکانە و مانەوەیان بەم شێوەیە مەترسی لەسەر دۆخی ئەمنی زیاد دەکات.
342/