دیان جەعفەر"ی بەرپرسی فەرمانگەی کوچبەری و ئاوارەکان وێڕای ئاماژە بە نەبوونی ئاسایش و ئامادە بوونی هێزە نایاساییەکان لە ناوچە ، هۆی مانەوەی ئاوارەکان لە ئوردووگاکانی ڕاگەیاند و جەعفەر جەختی کرد ئەگەر بێتوو ڕێککەوتنی شەنگال کە لە نێوان هەولێر و بەغدا واژۆ کراوە جێ بە جێ بکرێت خەڵکی شەنگال دەگەڕێننەوە بۆ ناوچەکانی خۆیان.
لەو پەیوەندیەدا ژنێکی ئاوارەی دانیشتووی شەنگال که بە هۆی دۆخی هەنوکەیی لەو ناوچە و نەبوونی هەستی ئاسایش، دیسانەوە گەراوتەوە بۆ ئوردووگای ئاوارەکانی دهۆک، وێڕای ئاماژە بەوەی کە دۆخەکە لە شەنگال زۆر دژوار و نا ئەمنە و کارەبا و ئاو و ڕاژەکاری بوونی نیە وتی کە ساڵێک لەوێدا بووم بەڵام دوبارە گەڕامەوە بۆ ئوردووگا .
بە پێی دوایین ئاماری ئیدارەی کوچبەری و ئاوارەکانی دهۆک ، زیاتر لە 300 هەزار ئاوارە بوونیان هیە کە دوای پەلاماری داعش بۆ سەر ناوچەکانی ئەوان لە شەنگال لە ساڵی 2014 ەوە زیاتر لە نۆ ساڵە کە لە 15 کەمپ لە دهۆک دەژین.
342/