قوباد تاڵەبانی لەگەڵ ئانتۆنیۆ گۆتێرێش کۆۆوەو پێکەوە تاوتوێی دواپێشهات و گۆڕانکارییە سیاسییەکانیان کرد. لە کۆبونەوەکەدا کە لە هەولێر بەڕێوەچوو، جێنین پلاسخارت نوێنەری تایبەتی سکرتێری گشتی نەتەوە یەکگرتوەکان و "دابان شەدەڵە" جێگری سەرۆکی فەرمانگەی پەیوەندییەکانی دەرەوە ئامادەی ببوون، تیشک خرایە سەر کێشەکانی ناوخۆی هەرێم و عێراق و جەخت لە چارەسەرکردنیان لەڕێی دیالۆگەوە کرایەوە.
لە کۆبونەوەکەدا، هەروەها باسی رەوشی عێراق و کێشەکانی نێوان هەولێرو بەغدا کراو جەخت کرایەوە کە پێویستە لەسەر بنەمای لێکگەیشتن و لەپێناو بەرژەوەندیی گەلانی عێراق بەشێوەیەکی بنەڕەتی کێشەکان چارەسەر بکرێن.
ئانتۆنیۆ گۆتێرێش رایگەیاند، وەک هاوڕێیەکی دێرینی مام جەلال و دۆستی ئێوە، داوای وەلانانی کێشەکان و چارەسەر کردنی گرفتەکانی ناوخۆی هەرێمی کوردستان دەکەم لەپێناو پاراستنی بەرژەوەندییەکانی هاوڵاتییانی هەرێم.
قوباد تاڵەبانیش لەو کۆبوونەوەیەدا بە وردی گرفت و کێشە سیاسییەکانی هەرێمی کوردستانی بۆ ئانتۆنیۆ گۆتێرێشی سکرتێری گشتیی نەتەوە یەکگرتوەکان روون کردەوەو ڕووانگەی خۆی لەبارەی چۆنییەتی چارەسەرکردنی ئەو کێشانە خستەڕوو، لە کۆتاییشدا سپاسی هاتنی گۆتێرێشی کرد .
342/