«بارزانی» سەرۆکی هەرێمی کوردستانی عێراق لە کۆنگرەیەکی ڕۆژنامەوانیدا لە پەراوێزی کۆنفرانسی ئەمنیی میونشن ڕایگەیاند: هیوادارین ئەمساڵ دوای گەڕانەوەمان لە ئەڵمانیا و گفتوگۆکردن لەگەڵ لایەنە سیاسییە کوردستانییەکان سەبارەت بە هەڵبژاردنی پەرلەمان ئەم هەڵبژاردنە ئەنجام بدەین.
پیاوی ژمارە یەکی ھەرێمی کوردستان جەختی لەوەش کردووەتەوە کە، ئەنجامنەدانی هەڵبژاردن پرۆسەی سیاسی و یاساکانی هەرێمی کوردستان دەخاتە ژێر پرسیارەوە، بۆیە پێویستە لایەنە سیاسییەکانی کوردستان ئەو بابەتە بە جددی وەربگرن.
جێگای ئاماژەیە ئەنجام نەدانی هەڵبژاردنی پەرلەمانی لە هەرێمی کوردستان و درێژکردنەوەی ماوەی چالاکییەکەی ڕووبەڕووی ڕەخنەی توند بووەتەوە و ڕەخنەگرانیش دەڵێن، لایەنە دەسەڵاتدارەکانی هەرێم بەهۆی شکست ھێنانیان لە هەڵبژاردن دا ڕێگری لە ئەنجامدانی دەکەن.
342/