بەپێی ڕاپۆرتی ڕۆژی سێشەممەی ئێرانپرێس،شێخ «ئیبراهیم زەکزاکی» لە وتارەکەیدا بەبۆنەی سێهەمین ساڵیادی شەهید سولەیمانی لە ئەبوجە، وێڕای ڕاگەیاندنی سەرەخۆشی لە ڕابەری مەزنی شۆڕش، گەلانی ئێران و عێراق، وتی : ئەمریکا پێی وابوو بە شەهید کردنی دوو فەرماندەی بەرخۆدان، زاڵ دەبێت بەسەر ناوچەی ڕۆژئاوای ئاسیادا، بەڵام هەڵەیەکی گەورەی کرد.
ڕابەری بزوتنەوەی ئیسلامیی نەیجیریا وتیشی: بە شەهیدبوونی سەردار سولەیمانی، میرات و یادەوەریی ئەم شەهیدە پایەبەرزە لە دڵ و مێشکی گەلی موسڵمان و خەڵکی ئازادیخوازی جیهاندا ماوەتەوەو، بەڕێ کرانی تەرمی سەرداری شەھید سولەیمانی ئەو گرینگایەتییەی سەلماند.
شێخ "ئیبراهیم زەکزاکی" ڕاشیگەیاند، شەهیدانی بەرەی خۆڕاگری تا ئێستاش بۆ خەڵک زیندوون و نەریتی ملیۆنیی بەڕێ کرانی تەرمی ئەو شەهیدانە نومایشی دڵسۆزی و خۆشەویستی بوو بۆیان.
سەرۆکی بزوتنەوەی ئیسلامیی نەیجیریا هەروەها لابردنی پەیامی مەجازییەکەی ساڵی ڕابردووی لە لایەن فەیسبووکەوە سەبارەت بە شەهید سەردار قاسم سولەیمانی بە پشتیوانی لە تیرۆر وەسف کرد.
342/