به گێڕانەوە لە میدیاکانی ھەرێمی کوردستان، لەسەر بڕیار و راسپاردەی «بافڵ تاڵەبانی» سەرۆکی یەکێتیی نیشتمانیی کوردستانی عێراق، لە چێوەی پرۆژەی ئاشتکردنەوەی سلێمانی و سەوزکردنی ھەرێمی کوردستان، ڕۆژی یەکشەممە سەرباری پشوو لەقەزای قەرەداغ چەندین تیم و گروپی شارەزاو پسپۆڕ دەستیان بە ھەڵقەندنی چاڵ و ئامادەکاریی پێویست کرد لەو زەوییانەی وا بڕیارە نەمامیان تیادا بچێندرێت.
«سەربەست سەروەر» لێپرسراوی هۆبەی دارستان و پاوانی قەرەداغ رایگەیاندووە، بە بەشداریی گەنجانی سنووری قەرەداغ و شارەزایان و پسپۆڕانی دارستان و پاوانی سلێمانی ، دەستیان کردووە بە ئامادەکاریی پێویست بۆ ئەوەی قۆناغی سێیەمی پرۆژەکە جێبەجێ بکرێت.
ناوبراو هاوکات سوپاسی سەرۆکی یەکێتیی نیشتمانیی کوردستانی عێراقیشی کرد بۆ هەوڵەکانی لە ئاراستەی سەوزکردن و بەرفراوانکردنی رووبەری دارستانەکان و پشتیوانیکردنی بەڕێوەبەرایەتیی دارستان و پاوانی سلێمانی لەم ئەرکە گرنگەدا.
342/