"حسێن ئەمیرعەبدوڵاهیان" وەزیری دەرەوەی ئێران ڕۆژی ڕابردوو لە دیداری "محەممەد عەبدوسەلام" دانوستانکاری باڵای حکومەتی ڕزگاری نیشتیمانی یەمەن لە مەسقەتی پێتەختی عومان، ڕێزی گرت لە بەرخۆدانی گەلی یەمەن بۆ بەدەستهێنانی مافەکانیان و جەختیشی کرد لە سەر پشتیوانی کردنی کۆماری ئیسلامیی ئێران لە خەڵکی ئەم وڵاتە.
ئەمیرعەبدوڵاهیان وتیشی: کۆماری ئیسلامیی ئێران بەردەوام سوور و پێداگر بووە لەسەر پێویستیی دیتنەوەی ڕێگاچارەیەکی ئاشتیانە بۆ قەیرانی یەمەن و وتووێژی سیاسی ناوماڵی یەمەنی وەکوو پرسێکی ناوخۆیی بە گرینگ و بنیاتنەر دەزانێ.
وەزیری دەرەوەی ئێران جەختی کرد وەکوو پرسێکی مرۆیی گەمارۆی یەمەن دەبێ هەڵگیردرێ و خەڵکی ئەم وڵاتە بتوانن ژیانێکی ئاساییان لە وڵاتی خۆیاندا هەبێ.
دانوستانکاری باڵای حکومەتی ڕزگاری نیشتیمانی یەمەنیش بە ڕێز و سپاس دەربڕین بەرامبەر بە داکۆکییەکانی کۆماری ئیسلامیی ئێران لە گەلی یەمەن، ڕاپۆرتێکی سەبارەت بە دوایین ڕووداو و گۆرانکارییەکانی یەمەن ئاراستە کرد.
342/