بە ڕاپۆرتی ئاژانسی هەواڵی ابنا -لە راگەیێندراوەکەدا کە رۆژی چوارشەممە 26-1-2022 بڵاوکراوەتەوە، هێزەکانی سووریای دیموکرات ڕایدەگەیێنن: دوێنێ سێشەممە، 23 کارمەند کە لەلایەن داعشەوە وەکوو دیل دەستگیرکرابوون، لە ئۆپەراسیۆنێکدا لەنێو گرتووخانەی غوێران رزگار کران.
لە دوای هێرشی چەکدارانی داعشەوە کە 20-1-2022 کردیانە سەر گرتووخانەی غوێرانی حەسەکە، بەگوێرەی ئامارەکانی هەسەدە تاوەکوو ئێستا 175 چەکداری داعش کوژران، 27 شەڕڤانی هەسەدە و هێزەکانی ئاسایشی ناوخۆی کوردستانی سووریا گیانیان لەدەست داوە؛ 500 چەکداری داعش خۆیان رادەستی شەڕڤانان کردووە و زیاتر لە 300 چەکداریش لەنێو گرتووخانەکەدا ماون.
گرتووخانەی غوێران گەورەترین گرتووخانەی کوردستانی سووریایە و نزیکەی پێنج هەزار چەکداری داعشی تێدایە.
بە پێی ھەندێ ھەواڵ ، تاوەکوو ئەمڕۆ گرتووخانەکە بە تەواوی کۆنترۆڵ نەکراوەتەوە، هێزەکانی سووریای دیموکرات، ئاسایشی نێوخۆی کوردستان و هاوپەیمانان بەردەوامن لە ئۆپەراسیۆن بۆ کۆنترۆڵ کردنەوەی گرتووخانەکە.
342/