به پیی هه وال ده ریی ئالو به یت(ع) ـ ابنا ـ پوتین لە سەرەتای کۆبوونەوەکەدا باسی لە ئەنجامەکانی هەڵبژاردنەکانی سەرۆکایەتی سوریا کرد و پیرۆزبایی لە سەرۆک کۆماری سووریا کرد بەبۆنەی جارێکی دیکە هەڵبژاردنیەوە.
پوتین باسی لەوەش کرد، ئەسەد کاری زۆر دەکات بۆ دامەزراندنی دیالۆگ لەگەڵ نەیارانی سیاسی و وتی، "یەکخستنەوەی سووریا پەکخراوە بەهۆی هەبوونی هێزە بیانییە نایاساییەکان لە سووریا بەبێ بڕیاری نەتەوە یەکگرتووەکان و بەبێ مۆڵەتی حکوومەتی دیمەشق، کە ئەوەش پێچەوانەی یاسا نێودەوڵەتییەکانە و دەرفەتی ئەوەتان پێ نادات کە هەموو هەوڵێک بدەن بۆ یەکخستنی وڵات".
دواتر فەیسەڵ ئەلمیقداد، وەزیری دەرەوەی سووریا و سێرگی شۆیگو، وەزیری بەرگریی ڕووسیا بەشدارییان کرد لە کۆبوونەوەکەدا گفتوگۆ کرا لەسەر هەماهەنگی هاوبەشی نێوان سوپای هەردوو وڵات لە شەڕی دژی تیرۆر و تەواوبوونی رزگار کردنی ئەو ناوچانەی کە هێشتا لەژێر کۆنتڕۆڵی ڕێکخراوە تیرۆریستییەکاندان و ئەو هەنگاوانەی کە لەسەر رێڕەوی سیاسی ھەڵگیراون.
هەروەها هەردوو وەزیر جەختیان لەسەر گرنگیی گفتوگۆکان کردەوە لەبوارەکانی هەماهەنگیی ئابووریی نێوان هەردوو وڵات.
342/