بە گوێره‌ى ئه‌و زانیاریانه‌ى میدیاى توركى ئاشكرایكردووه، به‌یانى ئه‌مڕۆ شه‌ممه، هه‌ریه‌ك له‌سرى سوره‌یان ئۆنده‌ر جێگرى سه‌رۆكى په‌رله‌مانى توركیاو په‌روین بوڵدان په‌رله‌مانتاری ده‌م پارتی له‌په‌رله‌مانی توركیا گه‌یشتوونه‌ته گرتووخانه‌ى ئیمراڵى له‌سه‌ر ده‌ریاى مه‌ڕ مه‌ڕه‌و ئێستاش له‌كۆبوونه‌وه‌دان لەگەڵ عەبدوڵڵا ئۆجەلان ڕێبەری پارتی کرێکارانی کوردستان (پەکەکە).
ئەمەش لەکاتێکدایە، پێنجشه‌ممه‌ى ڕابردوو وەزارەتی دادی تورکیا، داواكارییه‌كى پارتی یەکسانی‌و دیموکراسیی گەلان (دەم پارتی) بۆ بینینی عەبدوڵڵا ئۆجەلان قبووڵکرد.
ڕۆژی 23ى ئه‌م مانگه‌ش دوای زیاتر لەدوو ساڵ‌و نیو؛ عومەر ئۆجەلان پەرلەمانتاری دەم پارتی‌و برازای عەبدوڵڵا ئۆجەلان؛ لەزیندانی ئیمراڵی چاوی بەمامی کەوت.
342/
