شەش تیرۆرستی داعشی لە کەرکوک دەست بەسەر کران

  • کۆدی هه واڵ : 808563
  • سه ر چاوه : ابنا کوردی 24
Brief

گرووپێكی شەش كەسی سەر بە داعش لە شاری كەركووك دەستگیركران، بەپێی راگەیێندراوێكی ئەنجوومەنی ئاسایش، گرووپەكە پیلانی هێرشكردنە سەر كەركووكیان هەبووە و بە ئەنجامدانی چەندین تاوانیش تۆمەتباران، هاوكات دوو ئەندامی دیكەی داعش بە جیاواز دەستگیركراون

گرووپێكی شەش كەسی سەر بە داعش لە شاری كەركووك دەستگیركران، بەپێی راگەیێندراوێكی ئەنجوومەنی ئاسایش، گرووپەكە پیلانی هێرشكردنە سەر كەركووكیان هەبووە و بە ئەنجامدانی چەندین تاوانیش تۆمەتباران، هاوكات دوو ئەندامی دیكەی داعش بە جیاواز دەستگیركراون.

ئێوارەی رۆژی سێشەممە 31-1-2017، بەڕێوبەرایەتیی گشتیی دژە تیرۆری سەر بە ئەنجوومەنی ئاسایشی هەرێمی كوردستان دەستگیركردنی گرووپێكی شەش كەسی سەر بە داعشی لە كەركووك راگەیاند.

بەپێی راگەیێندراوێكی ئەنجوومەنی ئاسایش، شەوی 30 لەسەر 31-1-2017 ، دژە تیرۆر بە هاوكاری ئاسایشی كەركووك ئۆپەراسیۆنێكی لە گوندی باجوان لە رۆژئاوای كەركووك ئەنجامداوە و گرووپێكی شەش كەسی سەر بە داعش دەستگیركراون.

لە راگەیێندراوەكەدا ئاماژە بەوە كراوە "ئەو تیرۆریستانە تاوانبارن بە ئەنجامدانی چەندین كردەوەی تیرۆریستی لە شاری كەركووك و گوندەكانی رۆژئاوای كەركووك، هەروەها پیلانیان هەبووە كردەوەی تیرۆریستی لەنێو شاری كەركووك و قەزای دوبز ئەنجام بدەن".

هاوكات عەمید سەرحەد قادر، بەڕێوەبەری پۆلیسی قەزا و ناحیەكانی كەركووك بە تۆڕی میدیایی رووداوی راگەیاند "ئەو دوو ئەندامەی داعش لەنێو كەركووك دەستگیركراون، هەردوو دەستگیركراوەكەش لەلایەن دادوەرەوە بەپێی ماددەی 4 ی تیرۆر داواكراوبوونە".

سەرحەد قادر گوتیشی "هەردووكیان ئەندامی داعشن، عەرەبن و خەڵكی حەویجەن، لەبواری ئینتەرنێت و تۆڕە كۆمەڵاییەتییەكان كاریان لەگەڵ داعش كردووە، تەنانەت یەكێكیان بەرپرسی تۆڕی ئینتەرنێتی داعش بووە لە حەویجە".

ناوی ئەو شەش ئەندامەی داعش كە لە رۆژئاوای كەركووك دەستگیركراون:

1- بارزان محەممەد مخلیف ناسراو بە (قح) بەرپرسی گرووپ.
2- روكان محەممەد عەلی، ئەندامی گرووپ.
3- نزهان محەممەد مخلف، ئەندامی گرووپ.
4- ئەحمد محەممەد مخلف، ئەندامی گرووپ.
5- محەممەد عەلی ئیبراهیم، ئەندامی گرووپ.
6- فارس مخلف ئەسوەد، ئەندامی گرووپ.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
asura-mystery-of-creation
پیام رهبر انقلاب به مسلمانان جهان به مناسبت حج 1441 / 2020
conference-abu-talib
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران

All Content by AhlulBayt (a.s.) News Agency - ABNA is licensed under a Creative Commons Attribution 4.0 International License