بە بەشداریی بەربڵاوی خەڵک، لە تارانی پێتەختی کۆماری ئیسلامی و شارەکانی دیکەی سەرتاسەری ئێران «ڕۆژی جیھانیی قودس» دەستی پێکرا.
ئەمڕۆ ھەینی ٢٩ی ئاپریلی ٢٠٢٢ ڕێککەوت لەگەڵ نۆھەمی بانەمەڕ و ٢٧ی ڕەمەزانی ساڵی ١٤٤٣ ی کۆچیی مانگی ڕۆژی جیھانیی قودسە.
حەزرەتی ئیمام خومەینی(رە) دامەزرێنەری مەزنی کۆماری ئیسلامی ئێران بۆ بەزیندوو مانەوەی پرسی سەرەکیی فەلەستین و ڕاگەیاندنی ھاوپشتیی موسڵمانانی جیھان لەگەڵ فەلەستینییەکان و یەکانگیر بوونی ھێزەکان بۆ ڕزگار کردنی قودسی پیرۆز لەژێر پۆستاڵی زایونییەکان، دوایین ھەینیی مانگی ڕەمەزانی پیرۆزی وەکو ڕۆژی جیھانیی قودس دیاری کرد.
ڕێ و ڕەسمی «ڕۆژی جیھانیی قودس» دوای ئەوەی کە دووساڵ بە ترۆمبیل و لە دۆخی کۆرۆنایی دا بەرپا کرا بوو، ئەمڕۆ ھەینی لە ساڵی تازەدا بە ئامادە بوون و بەشداریی چینە جۆربەجۆرەکانی خەڵکی بەڕۆژوو لە سەرتاسەری ئێرانی ئیسلامی بەرپا دەکرێت.
خەڵک و لایەنگرانی جەماوەری فەلەستین لە ناوچە جۆربەجۆرەکانی جیھانیش لە ڕێپێوانی ڕۆژی جیھانیی قودس بەشداری دەکەن.
342/
