بە ڕاپۆرتی ئاژانسی هەواڵی ابنا - سامر غەزبان، وەزیری نەوتی عیراق رایگەیاند، بەش شێوەی بەرایی لە نێوان بەغدا و هەولێر رێککەوتن کراوە.
وەزیری پلاندانانی عیراقیش ئێوارەی دوێنێ دووشەممە رایگەیاند، رێککەوتن لەنێوان بەغدا و هەولێر کراوە و هەردوولا گەیشتوونەتە رێککەوتن.
وتیشی، "هەردوولا لە بارەی پشکی هەرێمی کوردستان لە بودجەی ساڵی 2020 رێککەوتن و سەرەتای ساڵی داهاتوو دەکەوێتە بواری جێبەجێ کردنەوە".
وەزیری پلاندانانی عیراق ئاماژەی بەوەش کرد،بەپێی رێککەوتنەکە هەرێمی کوردستان 250 هەزار بەرمیل نەوت رادەستی کۆمپانیای بە بازاڕکردنی نەوتی عیراق-سۆمۆ دەکات.
لە بەرامبەردا حکومەتی عیراق شایستە داراییەکانی هەرێمی کوردستان دەنێرێت. بەپێی زانیارییەکان ئەو خاڵەی تا ئێستا هەردوولا بەشێوەیەکی کۆتایی لەسەری رێکنەکەوتوون ئەوەیە پشکی هەرێمی کوردستان لە بودجەی عیراق-دا چەند دەبێت.
..........
340
