بە ڕاپۆرتی ئاژانسی هەواڵی ابنا - محەمەد جەواد زەریف وەزیری دەرەوەی ئێران لەم دیمانە یەدا کە رۆژی هەینی بڵاوبووەوە ، بە ئاماژە بەوەی کە کۆماری ئیسلامیی ئێران بژارەی باشتری داوە بە تورکیا گوتی ، رێککەوتنی ئادانا ھەروا ئیعتباری ھەیە و ئیران ئامادەی نێوبژیکاری لە نێوان کورد و حکومەتی تورکیا وسوریایە تا ئاسایشی سنورەکان بە ئەرتەشی سوریا بسپێررێ بە ھاریکاری حکومەتی تورکیا .
تورکیا و سوریا ساڵی ١٩٩٨ لە گەڵ بەرزبوونەوەی چالاکیەکانی پەکەکە لە باکووری سوریا ، رێککەوتنامەی ئادانایان بۆ ھاریکاری لە بواری نەھێشتنی تیرۆریسم ئیمزا کرد .
وەزیری دەرەوەی ئێران لە وڵامی پەیامنێری تەرەتە لە بارەی داوای دواجاری ئێران لە سوریا ، جەختی کردەوە : ٦ ساڵ بەر لە ئێستا لە نیویۆرك لە دیداری ئەحمەد داودئوغڵوو وەزیری دەرەوە ی ئەوکاتی تورکیا ، پرۆژەی ئاشتی چوارقۆناغیی بریتی لە تەقەوەستانی خێرا، پێکھێنانی حکومەتێکی گشتداگر ، وتووێژی نێوماڵی سوریا و ھەڵبژاردنم بەو پێشنیار کردبوو .
وەزیری دەرەوەی ئێران وتیشی : پێکهێنانی لیژنەی پێداچوونەوەی دەستوری سوریا زۆر گرنگە و دەبێ ئەم هەنگاوە بە کاری جددی لەوان کەم بارگرژیەکان بەردەوام بکرێ .
..........
340
