فڕۆکە بێ فڕۆکەوانەکانی یەمەن فڕۆکەخانەکانی "جەیزان" و "ئەبها"ی عەرەبستانیان بۆردومان کرد

(ABNA24.com) یەکەی فڕۆکە بێ فڕۆکەوانەکانی سوپا و لێژنە جەماوەرییەکانی یەمەن شەوی ڕابردووی فڕۆکەخانەکانی "جەیزان" و "ئەبها"ی عەرەبستانی بۆردومان کرد.

بە پێی ڕاپۆرتی هەواڵدەریی ڕادیۆ و تەلەڤزیۆنی ئێران؛ وتەبێژی هێزە چەکدارەکانی یەمەن ڕایگەیاند: فڕۆکە بێ فڕۆکەوانەکانی "قاصف k2" ی سوپای یەمەن، هێلانەی فڕۆکە جەنگییەکان و ئامانجە سەربازییە گرینگ و هەستیارەکانی  فڕۆکەخانەکانی "جەیزان" و "ئەبها"ی عەرەبستانی بۆردومان کرد.

" یەحیا سەریع" ڕاشیگەیاند ئەو پەلامارانەی بە فڕۆکەی بێ فڕۆکەوان ئەنجام دەبێ بۆتە هۆی ڕاگیردرانی گەشتە ئاسمانییەکان لە  فڕۆکەخانەکانی "جەیزان" و "ئەبها"ی عەرەبستان.

وتەبێژی هێزە چەکدارەکانی یەمەن بە ئاماژە بەوەی کە ئەو پەلامارانەی بە فڕۆکەی بێ فڕۆکەوان ئەنجام دەبێ بۆتە هۆی ڕاگیردرانی گەشتە ئاسمانییەکان لە  "فڕۆکەخانەکانی "جەیزان" و "ئەبها"ی عەرەبستان، راشکاوانە ڕایگەیاند هەتا ئەو کاتەی کە پەلامارەکانی هاوپەیمانیی سەعوودی بۆ سەر یەمەن درێژەی هەبێ مافی کاردانەوە بەرامبەر بە دەسدرێژی، بۆ یەمەنییەکان  پارێزراو دەبێ.

"یەحیا سەیع" وتیشی: ئەو ئۆپەراسیۆنە تایبەتە لە وەڵام بە جەنایەتەکانی دوژمن و گەمارۆ و درێژەی  پەلاماری هاوپەیمانیی دەسدرێژکاری سەعوودی بۆ سەر یەمەن ئەنجام دراوە.

 "فڕۆکەخانەکانی "جەیزان" و "ئەبها" لە باشووری عەرەبستان، لە هەفتەکانی رابردوودا بەردەوام لە لایەن فڕۆکە بێ فڕۆکەوانەکانی  و هەروەها یەکەی مووشەکیی سوپا و لێژنە جەماوەرییەکانی یەمەن بۆردومان کراون.

ئەو دوو فڕۆکەخانەیە شوێنی سووتەمەنی پێدان و پشتیوانیی ئەو فڕۆکە جەنگییانەیە کە لە پەلامارەکانی هاوپەیمانی سەعوودی بۆ سەر یەمەن کەڵکیان لێ وەردەگیردرێ.




/129