گۆڤاری "پۆلیتیکۆ"ی ئەمریکی بە دەربڕینی گومان لە دەرئەنجامەکانی شەڕ لەگەڵ ئێران و نەبوونی دیدێکی ڕوون بۆ داهاتوو، نووسیویەتی کە پێکهاتەی ڕژیمی ئێران تا ڕادەیەکی زۆر یەکگرتووە.
پۆلیتیکۆ لەم ڕاپۆرتەدا نووسیویەتی ئێران ڤەنزوێلا نییە. لەگەڵ فراوانبوونی مەودای شەڕ لە ئێراندا، دەرکەوتووە کە گەیشتن بە سەرکەوتن لەم ململانێیەدا بۆ ئەمریکییەکان ئاڵۆزتر و درێژتر و تێچووی زیاترە لە ئۆپەراسیۆنی ڤەنزوێلا.
گۆڤارەکە ئاماژەی بەوەشکردووە، ترامپ بیری لە بیرۆکەی دووبارەکردنەوەی ڕووداوەکانی ڤەنزوێلا دەکردەوە و دەیەوێت بە ئۆپەراسیۆنێکی خێرا دۆخەکە چارەسەر بکات، بەڵام ئێران وڵاتێکی ئایینییە و نزیکەی پێنج دەیە دامەزراوە. ڕێبەری باڵای ئێران سیستەمێکی ئاڵۆزی بەڕێوە دەبرد و بەرپرسی ڕێبەرایەتی ئایینی، سیاسی و سەربازی بوو و بۆ پڕکردنەوەی پۆستە بەتاڵەکان داڕێژرابوو.
پۆلیتیکۆ زیادی کرد: هیواکانی ترامپ بۆ ڕووخاندنی ڕژێمی ئێران بەدی نایەت. لەم پێوەندییەدا سەرچاوەیەکی ئاگادار لەم بابەتە ڕایگەیاند کە توانا ئەمنی و نیمچە سەربازییەکانی ئێران تا ڕادەیەکی زۆر وەک خۆیان ماونەتەوە.
لە لایەکی دیکەوە، ڕاپرسییەکی نوێ کە لە لایەن سی ئێن ئێن ئەنجام دراوە، دەریخستووە کە لە سەدا ٥٩ی ئەمریکییەکان دژایەتی کردەوەی سەربازی لە ئێران دەکەن و لە سەدا ٦٠یان پێیان وایە ترەمپ پلانێکی ڕوونی نییە بۆ بەشداریکردن لەم شەڕەدا.
Your Comment