گرووپی نێودەوڵەتی: نووسینگەی ئایەتوڵڵا سیستانی لە بەیاننامەیەکدا ڕایگەیاند: هێرشی سەربازی بۆ سەر ئێران چەند ڕۆژە درێژەی هەیە و بووەتە هۆی شەهید بوونی ژمارەیەکی زۆر لە هاووڵاتیان لەوانە ژمارەیەک لە بەرگریکارانی قارەمانی ئێران و دەیان منداڵ و کەسی سڤیلی بێ تاوان.
لە بەیاننامەکەی ئایەتوڵڵا سیستانی هاتووە: مەرجەعیەتی باڵای دینی وێڕای ئیدانە کردنی توندی ئەو شەڕە ستەمکارانە و داواکاری لە هەموو موسڵمانان و کەسایەتیە گەورەکانی جیهان بۆ ئیدانە کردنی و یەکڕیزی لەگەڵ گەلی ستەملێکراوی ئێران، داوای لە هەموو لایەنە نێودەوڵەتیەکان کرد ئەوپەڕی هەوڵی خۆیان بۆ ڕاگرتنی شەڕ و دروست کردنی ڕێگاچارەی ئاشتیخوازانەی دادپەروەرانە بۆ دۆسیەی ئەتۆمی ئێران بە پێی یاسا نێودەوڵەتیەکانی کرد.
ئەلئەزهەر: یاری گەیاندن بە ئێران زەرووریە
دامەزراوەی میحراب سەر بە ئەلئەزهەری میسر کە لە بواری دەرکردنی فتوا و لێکۆڵینەوەکان چالاکی دەکات بە بڵاو کردنەوەی بەیاننامەیەک جەختی کرد یاری گەیاندن بە کۆماری ئیسلامی ئیران لە بەرانبەر هێرشەکانی دوژمنی ئیسرائیل و ئەمریکا زەرووریە.
پولیتیکۆ: تواناییەکانی ئێران بێ گۆڕان ماونەتەوە
گۆڤاری ئەمریکی پۆلیتیکۆ لە سێبەری ئامێری هەڕەشە سەبارەت بە لێکەوتەکانی شەڕ لەگەڵ ئێران و نەبوونی وێنەی ڕوون لە قۆناغی داهاتووی ئێران نووسی کە پێکهاتەی سەربازی ئێران تا ئاستێکی زۆر سەقامگیر و یەکگرتوویە و ئێران وەکوو ڤێنزۆئێلا نییە.
سێناتۆری ئەمریکی: تێکشکاندنی مووشەکە نوێیەکانی ئێران تا ڕادەیەک نامومکینە.
ئێلیزابێت وارن سێناتۆری دیمۆکراتی ئەمریکی بە ئاماژە بە هێرشەکانی ئەمریکا بۆ سەر ئێران وتی کە دۆخەکە خراپتر لە ئەوەیە کە بیری لێدەکرایەوە و زۆر نیگەرانە چونکوو دۆناڵد ترامپ پلانێکی ڕوونی هەمبەر ئێران نییە.
30 هێرشی حزبوڵڵای لوبنان بۆ سەر ئیسرائیل لە شەوی ڕابردوو
حزبوڵڵای لوبنان لە 45 خولەکی ڕابردوودا لانیکەم 4 جار هێرشی مووشەکی کردووەتە سەر شارۆچکە زایۆنی نشینەکان.
Your Comment