بە ڕاپۆرتی ئاژانسی هەواڵی مێهر، دوران کاڵکان ئەندامی سەرکردایەتی پارتی کرێکارانی کوردستان لە لێدوانێک لەگەڵ ئاژانسی وڵات، وێڕای هەڵسەنگاندنی 27ـهمین ساڵوەگەری زیندانیکرانی عەبدوڵڵا ئۆجەلان، زیندانی ئیمرالی بە "سیستەمێکی تایبەتی و داڕشتڕاوە بۆ ئەشکەنجە و تەریکخستن" وەسف کرد و وتی: 27 ساڵە دەیانەوێ لە ڕێگەی سیستەمی گوشار و پچڕانی پەیوەندییەکان، هەوڵی خەساندنی تێکشکاندنی ڕۆڵی سیاسیی ئۆجەلان و هاوکات ئازادی و بوونی گەلی کورد لە ئیمرالیدا دەدەن.
کاڵکان ڕەوتی ئاشتی و کۆمەڵگای دیموکراتی بە بەرهەمی هزریی ئۆجەلان لە ئەنجامی خۆڕاگری و بەرخۆدانی لە ئیمرالی زانی و جەختی کرد: بەبێ ئازادی فیزیکیی ئۆجەلان، هەڵوەشانەوەی یەکجاریی سیستەمی ئیمرالی و ڕەخسانی هەلی چالاکیی ئازاد بۆ ئەو، ئەو ڕەوتە ئەنجامێکی سەقامگیری نابێت، کەواتە ئازادیی ئۆجەلان پێشمەرجی گەیشتن بە ئاشتییەکی سەقامگیرە.
فەرماندەیەکی باڵای پەکەکە سەبارەت بە ئاستەنگنانەوە لە بەردەم ئاشتی کوردی تورکیا هوشداری دا و وتی: سەرەڕای بەردەوامبوونی ڕەوتی ئاشتی و کۆمەڵگای دیموکراتیک، ناوەندگەلێک کە لە شەڕ و بایکۆتی کورد بەهرە دەبەن، هەوڵی تێکدانی ڕەوتەکە دەدەن.
Your Comment