هەواڵدەری ڕۆیتێرز بە گوێرەی سەرچاوە پیشەییەکانەوە، نووسی: سەرەڕای ئەوەی کە حکومەتی فیدراڵ ڕۆژی پێنجشەممە لە دەست پێکردنەوەی دەستبەجێی ئەو هەناردە کردنە هەواڵی دابوو، دەست پێکردنەوەی هەناردەی نەوتی هەرێم لە ڕێگای هێڵی بۆری بۆ بەندەری جیهانی تورکیا، لە داهاتوویەکی نزیکدا دوور لە چاوەڕوانییە.
ئەندامێکی گرووپیAPIKUR کە نوێنەری کۆمپانیا نەوتییە نێودەوڵەتییەکانی چالاک کە هەرێمە، ڕایگەیاند ە دەسپێکردنەوەی هەناردەی نەوت پێویستی بە ڕێککەوتن بە شێوەی فەرمی و نووسراوە. کۆمپانیای KAR Group کە بەرپرسی هێڵی بۆریە، پشت راستی کردووەتەوە کە هێشتا هێچ جۆرە ئامادەییەک بۆ دەسپێکردنەوەی هەناردەی نەوت بوونی نییە.
بەرپرسانی فەرمی حکومەتی هەرێمیش وتی کە هێشتا ڕێککەوتنێک لەسەر شێوەی تەکنیکی و دارایی لەگەڵ حکومەتی بەغدا نەکراوە. هەروەها سەرچاوەکان لە بەندەری جیهانی تورکیاشەوە وتوویانە کە هیچ نیشانەیەک لە چالاکی بەم زووانە لە ئەو بنکەیە نابینرێت.
سەرەڕای ڕاگەیاندنی فەرمی حکومەتی عێراق لەسەر دەستپێکردنەوەی دەستبەجێی هەناردەی نەوتی هەرێمی کوردستان، سەرچاوە ئاگادارەکان دەڵین هێشتا بەستێنی جێبەجێ کردنی ئەو بڕیارە خۆش نەبووە.
Your Comment