بوون و هێرشەکانی ئیسرائیل لە غەززە لە ماوەی 15 مانگدا گەورەترین خەساری لە کەرتی دەرمان و تەندروستی ئەو ناوچەیە دا .
هەواڵنێری مێهر گفتوگۆیەکی لەسەر دۆخی تەندروستی و دەرمان و نەخۆشخانە دەوڵەتییەکانی غەززە لەگەڵ مەروان ئەلهمس بەرپرسی نەخۆشخانە گەڕۆکەکانی وەزارەتی تەندروستی غەززە ئەنجام داوە.
ئەلهمس دەڵێت: ئێمە لە غەززە نزیک بە 32 نەخۆشخانەی دەوڵەتی، تایبەت و خێرخوازانەمان هەبوو بەڵام لە ماوەی شەڕدا تەنیا حەوت نەخۆشخانەی ماوە و پاشماوەکەی لەناوچووە. ئیسرائیل سەدا 75 ی ژێرخانە تەندروستییەکان لەوانە نەخۆشخانە و ناوەندە دەرمانییەکانی کردووەتە ئامانج. هەروەها لە 92 ناوەندی چاوەدێری سەرەتایی پزیشکی تەنیا 25 ناوەندی ماوە.
لە ئێستاشدا کە چەند نەخۆشخانەی کاتی و گەڕۆک کراوەتەوە بە هەموویانەوە بە قەد یەک نەخۆشخانەی دەوڵەتی گەورە خزمەتگوازی دەکەن.
ناوبراو دەڵێت: دۆخی شاری ڕەفەح تەنانەت قەیراناویترە چونکوو ژێرخان و سیستەمی تەندروستی بەتواوەتی لەناوچووە بەڵام بە هەموو توانمانەوە هەوڵ دەدەین تا نەخۆشخانەکان ببووژێنینەوە بەڵام زۆر تەنگ و چەڵەمە و لەمپەر لە سەر ڕێگامانە.
ئەو پەرپرسە ڕایدەگەیێنێت کە ئاستی گەییشتنی یارمەتیەکان بۆ غەززە تا ئێستا 73 بارهەڵگر بووە کە ئەوە زۆر کەمە لە بەرانبەر ئاستی خەسارەکاندا.
342/
