پڕۆژه‌ی سه‌در بۆ قۆناغی‌ دوای‌ ئازادی‌ موسڵ

پڕۆژه‌ی سه‌در بۆ قۆناغی‌ دوای‌ ئازادی‌ موسڵ


ئه‌مڕۆ دووشه‌ممه‌ موقته‌دا سه‌در سه‌رۆكی‌ ڕه‌وتی‌ سه‌در، پڕۆژه‌یه‌كی‌ 29 خاڵیی‌ بۆ قۆناغی‌ دوای‌ ئازادكردنی‌ موسڵ له‌ ده‌ستی‌ تیرۆریستانی‌ داعش ڕاگه‌یاند و تێیدا داوای‌ گفتوگۆ و دانوستان و ئاشته‌وایی‌ نیشتمانیی‌ كرد.

ئه‌مڕۆ دووشه‌ممه‌ موقته‌دا سه‌در سه‌رۆكی‌ ڕه‌وتی‌ سه‌در، پڕۆژه‌یه‌كی‌ 29 خاڵیی‌ بۆ قۆناغی‌ دوای‌ ئازادكردنی‌ موسڵ له‌ ده‌ستی‌ تیرۆریستانی‌ داعش ڕاگه‌یاند و تێیدا داوای‌ گفتوگۆ و دانوستان و ئاشته‌وایی‌ نیشتمانیی‌ كرد.

بە پێی هەواڵ دەری ئەهلوبەیت ع.ابنا: هاوكات ته‌ئكیدی‌ له‌سه‌ر پێویستیی‌ گفتوگۆی‌ جدی‌ و كارایی‌ له‌گه‌ڵ لایه‌نه‌ كوردستانیه‌كان كرده‌وه‌.

پڕۆژه‌ی‌ موقته‌دا سه‌در بۆ دوای‌ رزگاركردنی‌ موسڵ له‌ ده‌ستی‌ داعش:
1-  سندوقێكی‌ نێو ده‌وڵه‌تیی‌ به‌سه‌رپه‌رشتی‌ حكومه‌ت و ده‌زگا په‌یوه‌ندیداره‌كان دابنرێت بۆ ئاوه‌دانكردنه‌وه‌ی‌  ئه‌و ناوچانه‌ی‌ زیانیان به‌ركه‌وتوه‌ به‌هۆی‌ شه‌ڕه‌وه‌.
2-پێویستیی‌ به‌په‌له‌ گه‌یاندنی‌ كۆمه‌ك و هاریكارییه‌ پێویسته‌كان بۆ زیانلێكه‌وتوان و لێقه‌وماوان، له‌ناوچه‌ كاره‌ساتباره‌كان له‌ ڕێگه‌ی‌ سوپاوه‌.
3- پێویسته‌ به‌ هه‌ماهه‌نگیی‌ له‌گه‌ڵ حكومه‌ت و په‌رله‌مان و ده‌زگا په‌یوه‌ندیداره‌كان، شانه‌یه‌كی‌ نێوده‌وڵه‌تیی‌ په‌یوه‌ندیدار به‌ مافه‌كانی‌ مرۆڤ و كه‌مینه‌كان پێكهێنرێت، ئه‌ركی‌ ڕه‌واندنه‌وه‌ی‌ پێشێلكارییه‌كان و ئه‌و ده‌ستدرێژیانه‌ بێت كه‌ له‌ ژێر ناوی‌ تائیفیی‌ و ڕه‌گه‌زییدا كراوه‌.
4-پێویسته‌ به‌ هه‌ماهه‌نگیی‌ له‌گه‌ڵ مانگی‌ سور، لیژنه‌ی‌ فریاگوزاریی‌ عیراقیی‌ پێكبهێنرێت و ئه‌ركی‌ گه‌یشتن بێت به‌و ناوچانه‌ی‌ كه‌ به‌ فیعلیی‌ كاره‌ساتبارن و نا هه‌موارن.
5-پێویسته‌ به‌ ته‌نها سوپای‌ عیراق و هێزه‌ ئه‌منیه‌كان له‌ ناوچه‌ كێشه‌ له‌سه‌ره‌كان و ناوچه‌ ئازادكراوه‌كان جێگیربكرێن و دۆسیه‌ی‌ ئاسایشی‌ ئه‌و ناوچانه‌ له‌ ئه‌ستۆ بگرن.
6-گفتوگۆی‌ جدیی‌ له‌گه‌ڵ لایه‌نه‌كانی‌ كوردستان بكرێت، بۆ ئه‌وه‌ی‌ ده‌ره‌نجامی‌ باشی‌ هه‌بێ و سود و خزمه‌ت به‌ عیراق و گه‌له‌كه‌ی‌ بگه‌یه‌نێت، ئه‌گه‌ر ئه‌و پرسه‌ به‌ چاودێریی‌ نێوده‌وڵه‌تییش بێت ئاساییه‌.
7-له‌سه‌ر ئاستی‌ نێوده‌وڵه‌تیی‌ هه‌وڵی‌ جدیی‌ و به‌رده‌وام بدرێت، بۆ ئه‌وه‌ی‌ سنورێك بۆ ده‌ستێوه‌ردانی‌ توركیا له‌ عیراق دابنرێت، ئه‌گه‌ر شكستیهێنا ئه‌وا ئه‌و دۆسیه‌یه‌ به‌ ڕێگای‌ دیكه‌ مامه‌ڵه‌ی‌ له‌گه‌ڵدا بكرێت.
8- به‌په‌له‌ كار بكرێت بۆ ئه‌وه‌ی‌ هه‌لی‌ كار ده‌سته‌به‌ر بكرێت بۆ سه‌رجه‌م ئه‌و انه‌ی‌ له‌ پرۆسه‌ی‌ تێكشكاندنی‌ تیرۆر و تیرۆریستان و پارێزگاریكردن له‌وڵات ڕۆڵیان هه‌بوه‌.
9- هه‌وڵی‌ جدیی‌ بدرێت حه‌شدی‌ شه‌عبیی‌ له‌گه‌ڵ هێزه‌ ئه‌منیه‌كان یه‌كبخرێن، له‌ پێناوی‌ ده‌زگاو هێزه‌ ئه‌منییه‌كان سه‌روه‌ریی‌ و هێز و سه‌ربه‌خۆیی‌ خۆیان له‌ده‌ستنه‌ده‌ن.
10-بۆ پاراستنی‌ سه‌روه‌ریی‌ و سه‌ربه‌خۆیی‌ عیراق، پێوییسته‌ حكومه‌ت داوا له‌ ته‌واوی‌ هێزه‌ داگیركاره‌كان و هێزه‌ دۆست و هاوڕێكانیش بكات له‌ عیراق بچنه‌ ده‌ره‌وه‌.
11-هه‌وڵ بدرێت دانوستانی‌ جدیی‌ بكرێت بۆ ڕه‌واندنه‌وه‌ی‌ ئاڵۆزیی‌ و ناكۆكی نێوان پێكهاته‌و تائیفه‌كان و كه‌سایه‌تیی‌ و ڕیش سپی‌ و توێژه‌ كۆمه‌لاَیه‌تیه‌ ناسراوه‌كان ئه‌و ئه‌ركه‌ بگرنه‌ ئه‌ستۆ.
12-بۆ پاراستنی‌ یه‌كپارچه‌یی‌ خاكی‌ عیراق و ئاسایش و ئارامیی‌ و سه‌روه‌ریی‌ له‌سه‌رجه‌م بواره‌كان، گفتوگۆی‌ سیاسی‌ جدیی‌ و كاراو به‌ ده‌ره‌نجام به‌رده‌وام بێت.
13-  ده‌بێت ته‌نها سوپا و هێزه‌كانی‌ پاسه‌وانی‌ سنور، سنوره‌كانی‌ ولاَت بپارێزن.
14- بۆ ڕه‌واندنه‌وه‌ی‌ ترس و نیگه‌رانیی‌ هاولاَتیان له‌ ناوچه‌ ئازادكراوه‌كان و ڕه‌واندنه‌وه‌ی‌ فیكریی‌ توندڕه‌ویی‌ و مه‌ترسیی‌ تائیفیی‌ و دووبه‌ره‌كیی‌، چه‌ندین خولی‌ ڕۆشنبیریی‌ و په‌روه‌رده‌یی‌ و زانستیی‌ و كۆمه‌لاَیه‌تیی‌ ڕێكبخرێت.
15-پێویسته‌ هه‌نگاو به‌ره‌و ئاشته‌وایی‌ نیشتمانیی‌ بنرێت له‌سه‌ر بنه‌مای‌ ئه‌وه‌ی‌ كه‌ پرۆسه‌كه‌ ته‌نها سیاسیه‌كان نه‌گرێته‌وه‌، به‌ڵكو هه‌مو توێژه‌ كۆمه‌لاَیه‌تیه‌كانیش و پێكهاته‌كات بگرێته‌وه‌ و به‌عسییه‌كان تێیدا به‌شدار نه‌بن.
16-له‌گه‌ڵ له‌به‌رچاوگرتنی‌ ئه‌و هێزانه‌ی‌ له‌ به‌رنگاربونه‌وه‌دا ڕۆڵیان هه‌بوه‌، پێویست كار بكرێت بۆ كۆكردنه‌وه‌ی‌ چه‌ك و پێدانی‌ به‌ ده‌وڵه‌ت، تا سه‌روه‌ریی‌ و هه‌یبه‌تی‌ ده‌وڵه‌ت بمێنێته‌وه‌.
17- پێویسته‌ ده‌زگا ئه‌منییه‌كان له‌ كه‌سانی‌ گه‌نده‌ڵ و پابه‌ند نه‌بوو پاكبكرێنه‌وه‌و یاسای‌ توند دابنرێت بۆ ئه‌وه‌ی‌ هه‌یبه‌ت و سه‌ربه‌خۆیی‌ بۆ سوپا و ده‌زگا ئه‌منیه‌كان بگه‌ڕێته‌وه‌.
18-پێویسته‌ دادگای‌ عیراقی‌ به‌رپرسیارێتیی‌ لێپرسینه‌وه‌ و سزادانی‌ ئه‌و كه‌سانه‌ له‌ ئه‌ستۆ بگرێت كه‌ تێوه‌گلاون له‌گه‌ڵ تیرۆریستانی‌ داعشدا.
19-پێویسته‌ حكومه‌ت و وه‌زاره‌تی‌ داد پیاچونه‌وه‌ بكه‌ن به‌ دۆسیه‌ی‌ ده‌ستگیركراوه‌ بێ تاوانه‌كاندا و سزای‌ تیرۆریستان و گه‌نده‌ڵكاران بده‌ن، جیاوازیی‌ له‌ نێوان هیچ پێكهاته‌ و تایه‌فه‌یه‌كدا نه‌كرێت.
20- باره‌گای‌ گروپه‌ چه‌كداره‌كان دابخرێت و بكرێنه‌ دامه‌زراوه‌ی‌ روناكبیریی‌ و مه‌ده‌نیی‌ و كۆمه‌ڵایه‌تیی و مرۆیی‌.
21- كار بكرێت بۆ ئه‌وه‌ی‌ به‌جدیی‌ هه‌موو كێشه‌ و ململانێكان له‌ ناوچه‌ ئازادكراوه‌كان بڕه‌وێنرێته‌وه‌ و ئه‌وانه‌ی‌ هاوكاریی‌ تیرۆر و تیرۆریستانیان كردووه‌ دووربخرێنه‌وه‌.
22- ڕێگه‌ خۆش بكرێت له‌به‌رده‌م كۆمپانیا بیانیی‌ و وه‌به‌رهێنه‌كاندا، بۆ ئه‌وه‌ی‌ ژێرخانی‌ وڵات ببوژێته‌وه‌ به‌پشتبه‌ستن به‌ یاساكانی‌ وه‌به‌رهێنان.
23- به‌هیچ شێوه‌یه‌ك ده‌ست وه‌رنه‌درێت له‌كاروباری‌ وڵاتانی‌ دراوسێدا، ده‌ستێوه‌ردانی‌ ده‌ره‌كیش له‌ كاروباری‌ ناوخۆی‌ عیراقدا به‌ هه‌موو شێوه‌یه‌ك هێڵی‌ سوره‌.
24-وه‌فدێكی‌ عه‌شایه‌ریی‌ له‌ ناوه‌ڕاست و باشوری‌ عیراقه‌وه‌ بچێت بۆ ناوچه‌ ئازادكراوه‌كان و له‌و ناوچانه‌وه‌ وه‌فدی عه‌شایه‌ریی‌ سه‌ردانی‌ ناوه‌ڕاست و باشور بكات، به‌مه‌به‌ستی‌ ڕه‌واندنه‌وه‌ی‌ توندوتیژیی‌ و چه‌سپاندنی‌ گیانیی یه‌كتر قبوڵكردن.
25- به‌مه‌به‌ستی‌ چه‌سپاندنی‌ ڕۆحی‌ نیشتمانیی‌ له‌ نێوان ڕۆڵه‌كانی‌ گه‌لی‌ عیراقدا، پێویسته‌ ڕاگه‌یاندنی‌ نیشتمانیی‌ ستراتیژیه‌تێكی‌ ڕوون و ئاشكرای‌ هه‌بێت له‌سه‌رجه‌م بواره‌كاندا.
26- پێویسته‌ ده‌ره‌نجامی‌ لێكۆڵینه‌وه‌ی‌ كه‌وتنی‌ موسڵ و كۆمه‌ڵكوژیی‌ سپایكه‌ر ته‌واو بكرێت و پاشان ئاشكرا بكرێت بۆ ڕای‌ گشتیی‌.
27- پێویسته‌ حكومه‌ت به‌ میكانیزمێك هه‌وڵی‌ به‌ به‌ڵگه‌نامه‌كردنی‌ تاوانه‌كانی‌ جه‌نگ بدات له‌ ولاَتدا.
28-كاری‌ جدیی‌ بكرێت بۆ گه‌ڕاندنه‌وه‌ی‌ ئاواره‌كان بۆ ناوچه‌ ئازادكراوه‌كان و سه‌رجه‌م به‌ربه‌سته‌كانی‌ به‌رده‌میشیان هه‌ڵبگیرێت.
29-پێشنیاز بكرێت بۆ دامه‌زراندنی‌ ئه‌نجومه‌نێكی‌ باڵا بۆ كاروباری‌ كه‌مینه‌كان له‌ عیراق.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

قودسڕێگایشەهیده
تایبەت بە شەهادەتی فەرماندەکانی ئیسلام  حاج قاسمی سولەیمانی و ئەبو مەهدی المهندس
conference-abu-talib
داعش