داعش هەناسەی کۆتایی لە عێراق دەکێشیت

داعش هەناسەی کۆتایی لە عێراق دەکێشیت

ڕێکخراوی داعش زۆربەی ناوچەکانی ژێر دەستی لە دەستداوە کە لە ساڵی ٢٠١٤ وە لە عێراق دەستی بەسەردا گرتبوو.

یەحیا رەسوڵ وتەبێژی فەرماندەیی ئۆپراسیۆنە هاوبەشەکان لە کۆنفڕانسێکی هەواڵیدا ئەمڕۆ ١١ نیسانی ٢٠١٧ ڕایگەیاند، ڕێکخراوی داعش زۆربەی ناوچەکانی ژێر دەستی لە دەستداوە کە لە ساڵی ٢٠١٤ وە لە عێراق دەستی بەسەردا گرتبوو.

بەپێی هەواڵ دەری ئەهلی بەیت ع ابنا: ئەو لێپرسراوەی سوپای عێراق ئاماژەی بەوەشکرد، داعش لەو پەڕی توانای خۆیدا کۆنترۆڵی لە ٤٠%ی خاکی عێراقی کردبوو.

بەگوتەی یەحیا ڕەسوڵ وتەبێژی فەرماندەیی ئۆپراسیۆنە هاوبەشەکان، لە ئێستادا ئەو شوێنانەی کە داعش لە عێراق بە دەستیەو ماوە، تەنها لە ٦.٨%ی خاکی عێراقە.

لەلایەکی ترەوە پۆلیسی فیدراڵی عێراق ڕایگەیاند، لە ناوچەکانی خۆرئاوای شاری موسڵ بنکەو پێگەکانی خۆی بەهێزدەکات، بە مەبەستی خۆسازدان بۆ هێرشێکی فراوان بۆسەر ئەو ناوچانەی کە تا ئێستا لەبەری خۆرئاوای شارەکە بەدەست داعشەوە ماوە.

لە ئێستادا داعش لەناو خاکی عێراقدا، شارۆچکەکانی تەلەعفەر و حەویجە و بەشێکی شاری موسڵی بەدەستەوەیە، لە سوریاش شاری ڕەقە، کە بە بارەگای سەرەکی داعش دادەنرێت لە ناوخۆی ئەو وڵاتەدا.


بووچونه که ت بنیره

پوستی ئلکتروونی ئیوه بلاونابیته.فیلده زه روریه کان به * نیشاندراون

*

mourning-of-imam-hussain
asura-mystery-of-creation
پیام رهبر انقلاب به مسلمانان جهان به مناسبت حج 1441 / 2020
conference-abu-talib
داعش
کۆپی رایت 2015 هه مو مافه کان پاریز راون بو بونیادی ابناء الرسول له تاران

All Content by AhlulBayt (a.s.) News Agency - ABNA is licensed under a Creative Commons Attribution 4.0 International License