فەرماندەیەکی باڵای حەشدی شەعبی ڕایگەیاند کە بۆ دەستنیشانکردنی ئەو گرووپەی هێرشی کردوە نابێت پشت بە "تۆمەتبارکردن" ببەسترێت، بەڵکوو دەبێت پشت بە "زانیاری وردی دامەزراوە فەرمییەکان" ببەسترێت.
سەبارەت بە تۆمەتبارکردنی حەشدی شەعبی بە ئەنجامدانی هێرش بۆ سەر کێڵگەی گازی کۆرمۆر، محەمەد مەهدی بەیاتی، فەرماندەی گشتی میحوەری باکوری عێراقی حەشدی شەعبی، ڕاگەیاند: "تۆمەتبارکردنی حەشدی شەعبی لەڕووی یاساییەوە بە گرنگ سەیر ناکرێت، هەر لایەنێک حەشدی تورکمانی تۆمەتباردەکات بە ئەنجامدانی هێرشەکەی سەر کۆرمۆر با یەک بەڵگە بخاتەڕوو، تا لێپێچینەوە ئەنجام بدرێت .
ئیوارەی ڕۆژی 26ی ئه‌م مانگه 2024، کێڵگەی گازی کۆرمۆر لە سنوری قەزای چەمچەماڵی ڕۆژهەڵاتی کەرکووک، لە ڕێگەی هێرشی فڕۆکەی بێ فڕۆکەوانی بۆمبڕێژکراوەوە کرایە ئامانج، لە ئەنجامدا چوار کارمەندی کۆمپانیای دانەگاز گیانیان لەدەستداو 8 کارمەندی دیكه‌ش برینداربوون، ئەمە جگە لەو زیانانەی بەرکێڵگە گازییەکە و کارەبای گشتی کەوتوون.
342/